29 تامىز قازاقستاندا جالپىۇلتتىق ازا تۇتۋ كۇنى بولىپ جاريالاندى. جامبىل وبلىسىنىڭ بايزاق اۋدانىندا وق-دارىلەر قويماسىنداعى ءورت پەن جارىلىستاردىڭ سالدارىنان ادامداردىڭ قازاعا ۇشىراۋىنا بايلانىستى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ازا تۇتۋ كۇنىن جاريالاعان ەدى. 

"جامبىل وبلىسى بايزاق اۋدانىنداعى ادام ولىمىنە اكەپ سوقتىرعان قايعىلى وقيعاعا بايلانىستى 29 تامىزدى جالپىۇلتتىق ازا تۇتۋ كۇنى دەپ جاريالايمىن. قازا بولعان اسكەري قىزمەتشىلەر مەن قۇتقارۋشىلار ەرەن ەرلىك پەن ناعىز جانقيارلىق كورسەتتى. ەرلەرىمىزدىڭ ەسىمى ەل جادىندا ماڭگى ساقتالادى", - دەدى مەملەكەت باسشىسى.

26 تامىز كۇنى جامبىل وبلىسى، بايزاق اۋدانىنداعى اسكەري بولىمشەنىڭ جارىلىسىنان 13 ادام قازا تاۋىپ، 90-نان استام ادام جاراقات الدى.

Abai.kz اقپاراتتىق پورتالىنىڭ ۇجىمى جامبىل وبلىسىنىڭ بايزاق اۋدانىنداعى اسكەري قويمادا بولعان شەتىن وقيعا كەزىندە قازا تاپقان مارقۇمداردىڭ وتباسى مەن تۋىستارىنىڭ قايعىلارىنا ورتاقتاسىپ، كوڭىل ايتامىز.

Abai.kz