تۇركيا رەسپۋبليكاسىنداعى ورمان ءورتىن سوندىرۋگە بارعان قازاقستاندىق قۇتقارۋشىلار ءوز مىندەتتەرىن ورىندادى. بۇل تۋرالى قر توتەنشە جاعدايلار مينيسترلىگى حابارلادى.

تۇركيا رەسپۋبليكاسىنداعى ورمان ءورتىن سوندىرۋگە كەتكەن قر توتەنشە جاعدايلار مينيسترلىگىنىڭ قۇتقارۋشىلارى ءوز مىندەتتەرىن ءساتتى اياقتادى. رەسەي، ازەربايجان، گرۋزيا، ۋكراينا، پولشا، اۋستريا، اقش، بەلارۋس، يران، يسپانيا جانە شۆەيتساريا سياقتى ەلدەردىڭ باسقا ەكيپاجدارىمەن بىرگە دالامان قالاسىنىڭ ماڭىندا ءورت تولىعىمەن ءسوندىرىلدى.

ورمان ءورتىن ءسوندىرۋ ءۇشىن قازاقستاندىق قۇتقارۋشىلار سەگىز كۇن بويى اۋقىمدى جۇمىستار جۇرگىزدى. قر توتەنشە جاعدايلار مينيسترلىگىنىڭ بىرىككەن توبىنىڭ جەكە قۇرامى 19 تامىزدا ۇزاق ۇشۋعا دايىندالۋدا.

20 تامىزدا جەرگىلىكتى ۋاقىت بويىنشا ساعات 06: 00-دە قازاقستاندىق قۇتقارۋشىلاردىڭ كەرى جولعا شىعۋى جوسپارلانعان. ولاردى دالامان قالاسىنىڭ، سونداي-اق تۇركيا رەسپۋبليكاسىنىڭ اۋىل شارۋاشىلىعى جانە ورمان شارۋاشىلىعى مينيسترلىگىنىڭ وكىلدەرى جۇرگىزەدى.

Abai.kz