تانىمال كوممەنتاتور امانگەلدى سەيىتحانوۆ 52 جاسىندا قايتىس بولدى. بۇل تۋرالى مارقۇمنىڭ ارىپتەسى، كوممەنتاتور جاندوس ايتبايۇلى ەستىرتتى.

ء"يا، راستايمىن. جامان ىندەتتەن كەتتى عوي. باسقا اۋرۋى جوق ەدى", - دەدى ايتبايۇلى.

Qazsport تەلەارناسىنىڭ Instagram جەلىسىندەگى حابارعا سەنسەك، جۋرناليست سوڭعى 2 اپتا جانساقتاۋ بولىمىندە جاتىپ، كوروناۆيرۋستان كوز جۇمعان.

امانگەلدى مۋاتقانۇلى سەيىتحانوۆ - 1969 جىلى 11 مامىردا شىعىس قازاقستان وبلىسى ماقانشى اۋدانىندا دۇنيەگە كەلگەن. 1991-1994 جىلدارى "سپورت" گازەتىندە جۇمىس ىستەدى. 1994 جىلدان "قازاقستان ترك"-نىڭ "تۇعىر" باعدارلاماسىنىڭ اۆتورى جانە جۇرگىزۋشىسى، سپورت ءبولىمى باس رەداكتورىنىڭ ورىنباسارى. "قۇمساعات" باعدارلاماسىنىڭ سپورت اكپاراتتار پروديۋسەرى. 1997 جىلدان "حابار" اگەنتتىگىندە جۇمىس ىستەدى.

Abai.kz سايتىنىڭ ۇجىمى مارقۇمنىڭ جاقىندارىنا قايعىرا كوڭىل ايتادى.