ورال. 4 ماۋسىم. قازاقپارات - ع.قۇرمانعاليەۆ اتىنداعى باتىس قازاقستان وبلىستىق فيلارمونياسىنىڭ زالىندا ماحامبەت كۇيلەرىن ورىنداۋشىلاردىڭ ايماقتىق بايقاۋى مارەگە جەتتى.

بايقاۋدىڭ جابىلۋ راسىمىندە وبلىس اكىمىنىڭ ورىنباسارى سەرىك سۇلەيمەن قاتىسۋشىلارعا العىس-ىقىلاسىن ءبىلدىرىپ، مۇنداي شارانىڭ ماحامبەت مۇراسىن ناسيحاتتاۋدا ماڭىزى زور ەكەنىن اتاپ كورسەتتى.

ورال. 4 ماۋسىم. قازاقپارات - ع.قۇرمانعاليەۆ اتىنداعى باتىس قازاقستان وبلىستىق فيلارمونياسىنىڭ زالىندا ماحامبەت كۇيلەرىن ورىنداۋشىلاردىڭ ايماقتىق بايقاۋى مارەگە جەتتى.

بايقاۋدىڭ جابىلۋ راسىمىندە وبلىس اكىمىنىڭ ورىنباسارى سەرىك سۇلەيمەن قاتىسۋشىلارعا العىس-ىقىلاسىن ءبىلدىرىپ، مۇنداي شارانىڭ ماحامبەت مۇراسىن ناسيحاتتاۋدا ماڭىزى زور ەكەنىن اتاپ كورسەتتى.

اتالمىش كۇي سايىسىندا قازىلار القاسىنىڭ شەشىمى بويىنشا ورال قالاسىنداعى قۇرمانعازى اتىنداعى مۋزىكا كوللەدجىنىڭ 4 كۋرس ستۋدەنتى جارىس ساتىبالديەۆ جەڭىمپاز اتاندى. وعان اقشالاي سىيلىققا قوسا بەلگىلى عالىم، تاريح عىلىمدارىنىڭ دوكتورى، پروفەسسور تۇياقباي رىسبەكوۆ بەلگىلەگەن تاريحشى، ماحامبەتتانۋشى يساتاي كەنجاليەۆ اتىنداعى جۇلدە - پلازمالىق تەلەديدار تابىس ەتىلدى. ەكىنشى ورىندى اتىراۋدان دينا نۇرپەيىسوۆا اتىنداعى مۋزىكا اكادەمياسىنىڭ ستۋدەنتى اسىلحان جولامانوۆ پەن ع.قۇرمانعاليەۆ اتىنداعى باتىس قازاقستان وبلىستىق فيلارمونياسىنىڭ دومبىراشىسى اقىلبەك بەكتاسوۆ ءبولىستى. ولارعا م.وتەمىسۇلى اتىنداعى باتىس قازاقستان مەملەكەتتىك ۋنيۆەرسيتەتى مەن جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتى اتىنان دا جۇلدەلەر بەرىلدى. ماڭعىستاۋ ونەر كوللەدجىنىڭ ستۋدەنتى نۇرحان مۇقات، قۇرمانعازى اتىنداعى ورال مۋزىكا كوللەدجىنىڭ شاكىرتى ەرلان سەرتەكوۆ، اتىراۋلىق ەربولات حايروللاەۆ ءۇشىنشى ورىنعا يە بولدى. م.وتەمىسۇلى اتىنداعى بقمۋ-دان ازامات قاليەۆ، اتىراۋلىقتار سەرىك الىبەك پەن قايرات جۇماعاليەۆ، ورالدىق ارمان قادىراليەۆ ىنتالاندىرۋ سىيلىقتارىن ەنشىلەدى. بارلىق قاتىسۋشىلارعا العىسحاتتار تابىس ەتىلدى.

قازىلار القاسىنىڭ مۇشەسى، قۇرمانعازى اتىنداعى مۋزىكا كوللەدجى ديرەكتورىنىڭ ورىنباسارى نۇرجان سەرتەكوۆتىڭ ايتۋىنشا، بايقاۋعا قاتىسۋشى جاستار جاقسى ازىرلەنىپ كەلگەن. سونىڭ ىشىندە ورالدان باسقا اتىراۋلىقتاردى ەرەكشە ايتۋعا بولادى.