گايتي پرەزيدەنتى جوۆەنەليا مويسانى 7 شىلدە تءۇندە پورت-و-پرەنسە قالاسىنداعى رەزيدەنتسياسىندا اتىپ كەتتى. بۇل تۋرالى گايتا پرەمەرىنىڭ مءالىمدەمەسىنە سىلتەمە جاساپ, حالىقارالىق اگەنتتىكتەر حابارلادى.

رەزيدەنتسياعا شابۋىل تۇنگى بىرلەردە جاسالعان. شابۋىلدان پرەزيدەنتتىڭ ايەلى مارتينا مويز جارالانىپ، اۋرۋحاناعا جەتكىزىلگەن.

"7 شىلدە تۇندە بەلگىسىز ادامدار پرەزيدەنتتىڭ جەكە رەزيدەنتسياسىنا شابۋىل جاساپ، ءولتىرىپ كەتتى. شابۋىلداعانداردىڭ كەيبىرى يسپان تىلىندە سويلەگەن" دەپ مالىمدەدى ەل ۇكىمەتى.

گايتي پرەمەرى كلود جوزەف ەلدەگى جاعداي پوليتسيا مەن قارۋلى كۇشتەردىڭ باقىلاۋىندا ەكەنىن مالىمدەدى. ول پرەزيدەنتكە قاستاندىقتى "ۆارۆارلىق ارەكەت" دەپ اتادى. جوزەف ەلدى ۋاقىتشا باسقاراتىنىن دا ايتتى.

جوۆەنەل مويز 2017 جىلى اقپاندا بيلىككە كەلگەن. ول 2016 جىلى قاراشادا وتكەن پرەزيدەنت سايلاۋىندا جەڭىمپاز دەپ تانىلعان.

2018 جىلى قازاندا مويزگە پون-رۋج قالاسىندا شابۋىل جاساعان. ول تاۋەلسىز گايتيدىڭ نەگىزىن قالاۋشى جانە ءبىرىنشى پرەزيدەنتى جان-جاك دەسساليننىڭ ەسكەرتكىشىنە گۇل قويىپ جاتقاندا بەلگىسىز بىرەۋلەر وق اتقان. شابۋىلدان پرەزيدەنتتىڭ ەكى وققاعارى زارداپ شەككەن، مويز امان قالعان.

مويزانى جەمقورلىققا ايىپتايتىندار كوپ، ەلدە وعان قارسى ءجيى نارازىلىق ءوتىپ تۇراتىن.

Abai.kz