قازاقستاندا پتر اناليزدەرىن قولدان جاساۋ جانە ساتۋ فاكتىلەرى بويىنشا 23 قىلمىستىق ءىس قوزعالدى. بۇل تۋرالى مينيسترلىك وكىلى حابارلادى. 

"جىل باسىنان بەرى پوليتسيا پتر اناليزدەرىن قولدان جاساۋ جانە ساتۋ فاكتىلەرى بويىنشا 23 قىلمىستىق ءىس، ال ۆاكتسيناتسيا پاسپورتتارىن قولدان جاساۋ فاكتىلەرى بويىنشا 4 قىلمىستىق ءىس قوزعادى", - دەدى ءىىم ءبىرىنشى ورىنباسارى مارات قوجاەۆ ۆەدومستۆوارالىق كوميسسيانىڭ وتىرىسىندا.

ۆيتسە-پرەمەر ەرالى توعجانوۆ ىشكى ىستەر مينيسترلىگىنە پتر مەن ۆاكتسيناتسيا پاسپورتتارىنىڭ ناتيجەلەرىن بۇرمالاۋمەن اينالىسقان ادامداردى انىقتاۋ جانە جاۋاپكەرشىلىككە تارتۋ بويىنشا جۇمىستى كۇشەيتۋدى تاپسىردى.

Abai.kz