نۇر-سۇلتان قالاسىنىڭ اكىمدىگى الداعى بەس جىلدا قالاداعى الەۋمەتتىك ماڭىزى بار جانە مادەني شارالاردى وتكىزۋگە بيۋدجەتتەن 13,8 ملرد قارجى سۇرايدى. بۇل تۋرالى كازتاگ مالىمدەدى. 

«بيۋدجەتتىك باعدارلاما بويىنشا جالپى شىعىندار («الەۋمەتتىك ماڭىزى بار جانە مادەني ءىس-شارالاردى وتكىزۋ»، تەڭگەمەن):

2020 ج (ەسەپتى كەزەڭ) - 5 171 156;

2021 ج (اعىمداعى جىلدىڭ جوسپارى) - 1 909 560;

2022 ج (جوسپارلاۋ كەزەڭى) - 1 466 039;

2023 ج - 2 659 010;

2024 ج - 2 659 010»، - دەيدى بيۋدجەتتىك باعدارلاما جوباسى بويىنشا نۇر-سۇلتان اكىمدىگىنىڭ مادەنيەت ءبولىمى.

قۇجاتتا كورسەتىلگەندەي، 2020 جىلى بولىنگەن قارجىعا (ت5 171 156 000) ەلوردادا 12 مەملەكەتتىك جانە رەسپۋبليكالىق شارالار وتكەن. ال، 2021 جىلعا - 22, 2022 جىلعا - 15, 2023 جانە 2024 جىلدارعا 14 ءىس-شارا جوسپارلانعان.

«قالا تۇرعىندارىنىڭ مادەني دەمالىسىن جانە قازاقستان رەسپۋبليكاسىن مەكەندەيتىن حالىقتاردىڭ مۋزىكالىق ونەرىن قامتاماسىز ەتۋ سالاسىنداعى مەملەكەتتىك ساياساتتى ىسكە اسىرۋ»، - دەلىنگەن بيۋدجەتتىك باعدارلاما جوباسىنىڭ سيپاتتاماسىندا.

ماقساتى - «نۇر-سۇلتان قالاسىنىڭ مادەنيەت قايراتكەرلەرىنىڭ حالىقارالىق جانە ۇلتتىق دەڭگەيدەگى باسەكەگە قابىلەتتىلىگىن ارتتىرۋ، مادەنيەت سالاسىنداعى وتاندىق ونىمگە دەگەن سۇرانىستىڭ ءوسۋىن ىنتالاندىرۋ».

ال، «مىندەتتەر» باعانىندا «2021 جىلعا ارنالعان الەۋمەتتىك ماڭىزى بار جانە مادەني ءىس-شارالارعا بارۋ سانىنىڭ ءوسۋى - 1%، 2022 - 1,5%، 2023 - 2%-دى قۇرايدى».

Abai.kz