بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتا بيۋروسى ءوتىپ، وندا الداعى جالپى وتىرىستىڭ كۇن ءتارتىبى ناقتىلاندى.

دەپۋتاتتار قاراۋىنا بىرقاتار راتيفيكاتسيالىق زاڭ جوبالارىن قاراۋ ۇسىنىلدى. اتاپ ايتقاندا، ەۋرازيالىق ەكونوميكالىق وداق تۋرالى شارتقا ارمەنيا جانە قىرعىز رەسپۋبليكالارىنىڭ قوسىلۋىنا بايلانىستى وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوبالارى.

سونىمەن قاتار، كۇن ءتارتىبىنىڭ جوباسىندا مەملەكەتتىك ساتىپ الۋ ماسەلەلەرى تۋرالى زاڭنامالىق تۇزەتۋلەردى II وقىلىمدا قاراۋ كوزدەلگەن.

سونداي-اق، الداعى جالپى وتىرىستا پالاتا كوميتەتى قازاقستان مەن رەسەي اراسىنداعى اسكەري ىنتىماقتاستىق تۋرالى شارتتى جانە تاۋەلسىز مەملەكەتتەر دوستاستىعىنا قاتىسۋشى مەملەكەتتەر قارۋلى كۇشتەرىنىڭ بىرلەسكەن بايلانىس جۇيەسى تۋرالى كەلىسىمدى راتيفيكاتسيالاۋعا قاتىستى زاڭ جوبالارىن جۇمىسقا الماق.

Abai.kz