بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتا بيۋروسى ءوتىپ، وندا الداعى جالپى وتىرىستىڭ كۇن ءتارتىبى ناقتىلاندى.

دەپۋتاتتار قاراۋىنا جەر قاتىناستارىن دامىتۋ ماسەلەلەرىنە قاتىستى زاڭ جوباسى  I وقىلىمدا قاراۋ ۇسىنىلدى.

قۇجاتتا جالعا بەرۋدى ساقتاۋ جانە اۋىل شارۋاشىلىعى جەرلەرىن جەكە مەنشىككە بەرۋگە جەر كودەكسى نورمالارىنىڭ قولدانىلۋىن 5 جىلعا توقتاتۋ تۇرۋ كوزدەلگەن.

الداعى جالپى وتىرىستا اكىمشىلىك قۇقىق بۇزۋشىلىق تۋرالى كودەكسكە جانە مەملەكەتتىك باسقارۋ دەڭگەيلەرى اراسىندا وكىلەتتىكتەردى قايتا ءبولۋ ماسەلەلەرىنە قاتىستى زاڭ جوبالارى I وقىلىمدا قارالماق.

سونىمەن قاتار، كۇن ءتارتىبىنىڭ جوباسىندا II وقىلىمدا رەيدەرلىككە قارسى كۇرەستى كۇشەيتۋ، كاسىپكەرلىك قىزمەتتى مەملەكەتتىك ورگاندار مەن لاۋازىمدى ادامداردىڭ زاڭسىز ارالاسۋىنان قورعاۋ جانە باعالى مەتالداردىڭ زاڭسىز اينالىمىنا كەدەرگى كەلتىرەتىن شارالاردى كۇشەيتۋ بويىنشا زاڭ جوباسى بار.

Abai.kz