پالاتا سپيكەرى نۇرلان نىعماتۋليننىڭ توراعالىعىمەن وتكەن پارلامەنت ءماجىلىسىنىڭ جالپى وتىرىسىندا دەپۋتاتتار ازاماتتاردىڭ جەكەلەگەن ساناتتارىن الەۋمەتتىك قورعاۋ ماسەلەلەرى بويىنشا زاڭناماعا تۇزەتۋلەردى ماقۇلدادى.

ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ اتاپ وتكەندەي، زاڭ جوباسى ازاماتتاردىڭ جەكەلەگەن ساناتتارىن، ونىڭ ىشىندە مۇگەدەكتەر، مۇگەدەك بالالاردى تاربيەلەپ وتىرعان وتباسىلار، ەڭبەك  ارداگەرلەرىن قولداۋدى ارتتىرۋ ماقساتىندا جەتىلدىرىلىپ وتىر.

"قازىرگى ۋاقىتتا 66 مىڭ ءبىرىنشى توپتاعى مۇگەدەكتەردىڭ ىشىندە ءاربىر ءۇشىنشى ادامعا كۇتىم بويىنشا جاردەماقى دا، جەكە كومەكشىنىڭ قىزمەتى دە بەرىلمەيدى. بۇل كوماداعى ادامدار، توسەك تارتىپ جاتقان مۇگەدەكتەر جانە ت.ب. زاڭ جوباسىن قابىلداۋ ناتيجەسىندە كۇتىم بويىنشا جاردەماقى قوسىمشا سىرتتان كۇتىمدى قاجەت ەتەتىن 24 مىڭ ادامدى قامتيدى. بۇگىندە جاڭا نۇسقاۋلىقتى ەنگىزۋ بويىنشا دايىندىق جۇمىستارى ءجۇرىپ جاتىر", - دەدى مينيستر.

سونىمەن قاتار مۇمكىندىگى شەكتەۋلى بالالاردىڭ جاردەماقىسى 37% دەيىن وسەتىن بولدى.

Abai.kz