امەريكالىق ميللياردەر، Tesla كومپانياسىنىڭ نەگىزىن قالاۋشى جانە باس اتقارۋشى ديرەكتورى يلون ماسكتىڭ بايلىعى وتكەن اپتادا NBC تەلەارناسىنىڭ Saturday Night Live ەفيرىنە شىققاننان بەرى 20 ميللياردتان استام دوللارعا تومەندەدى. بۇل تۋرالى Forbes جازدى. 

وسى اپتادا Tesla كومپانياسىنىڭ اكتسيالارى 15% -عا تومەندەدى، ناتيجەسىندە ماسكتىڭ مەنشىكتى كاپيتالى 20,5 ملرد دوللارعا ياعني 145,5 ملرد دوللارعا دەيىن تومەندەگەن. ول عالامشارداعى ەڭ باي ادامدار تىزىمىندە ءۇشىنشى ورىنعا ءتۇستى.

ماسكتىڭ شوۋدا ايتقان سوزدەرى كريپتوۆاليۋتانىڭ تاۋلىگىنە 30% -دان استامعا تومەندەۋىنە اكەلدى. 13 مامىردا كاسىپكەر Tesla ءوزىنىڭ ەلەكتروموبيلدەرىن بيتكوينگە ساتۋدى توقتاتا تۇرعانى تۋرالى حابارلادى. وسى حابارلامانىڭ اياسىندا ەڭ قىمبات كريپتوۆاليۋتانىڭ باعاسى بىردەن 17% -عا ءتۇسىپ، كەيىن 47 مىڭ دوللارعا دەيىن تومەندەدى.

وسى اپتاداعى اكتسيالاردىڭ 15% تومەندەۋى ماسكتىڭ ميللياردتاعان قاراجاتىن جويىپ جىبەردى.

Abai.kz