پارلامەنت سەناتىنىڭ توراعاسى ماۋلەن اشىمباەۆ كوروناۆيرۋس جۇقتىردى. بۇل تۋرالى سەنات توراعاسى Facebook پاراقشاسىندا حابارلادى. پاراقشاسىنا ول:

"قۇرمەتتى دوستار!
بارىنشا ساقتانىپ جۇرگەنىمە قاراماستان، سوڭعى سىناما ناتيجەسىندە كوروناۆيرۋس ىندەتىن جۇقتىرعانىم انىقتالىپ وتىر. بىراق بويىمدا اۋرۋدىڭ ەشقانداي بەلگىلەرى جوق. ايتسە دە وقشاۋلانىپ، مامانداردىڭ بارلىق تالاپتارىن قاتاڭ ساقتاۋدامىن. سوعان بايلانىستى جۇمىستى دا قاشىقتان جالعاستىرامىن.
وكىنىشكە قاراي، پاندەميانىڭ ەكپىنى ءالى باسەڭدەگەن جوق. سوندىقتان ارقانى كەڭگە سالىپ، ساقتىق شارالارىنا بەيجاي قاراۋعا بولمايدى. بۇل، ەڭ الدىمەن، ءوزىمىز جانە تۋعان-تۋىستارىمىز ءۇشىن اسا ماڭىزدى. ەندەشە ىندەتتىڭ الدىن الۋعا باسا ءمان بەرەيىك.
امان بولىڭىزدار!"

ەندى سەنات توراعاسى قاشىقتىقتان جۇمىس ىستەۋگە ءماجبۇر.

Abai.kz