2020 جىلدىڭ 15 ءساۋىرى مەن 15 مامىرى ارالىعىندا ەلىمىزدىڭ 12 وبلىسىندا كەڭ اۋقىمدى «كيىك» تابيعات قورعاۋ اكتسياسى وتەدى. بۇل تۋرالى قر ەكولوگيا، گەولوگيا جانە تابيعي رەسۋرستار مينيسترلىگى مالىمدەدى.

اكتسيانىڭ ماقساتى لاكتاتسيا كەزەڭىندە كيىكتەردى قورعاۋدى كۇشەيتۋ، سونداي-اق ەل اۋماعىندا تابيعاتتى قورعاۋ زاڭناماسىن بۇزۋدىڭ جولىن كەسۋ بويىنشا بىرلەسكەن ءىس-شارالاردى ۇيىمداستىرۋ.

اكتسيا بارىسىندا قۇقىق قورعاۋ ورگاندارىمەن بىرلەسىپ كيىك مۇيىزدەرىنىڭ زاڭسىز اينالىمىنا قارسى ءىس-قيمىل جانە ولاردى ەلدەن تىس جەرلەرگە شىعارۋ بويىنشا شارالار كۇشەيتىلەتىن بولادى.

وسى اۋقىمدى ءىس-شاراعا 200-گە جۋىق ينسپەكتوردان تۇراتىن ءموبيلدى توپتار، 64 بىرلىك جوعارى ءوتىمدى اۆتوماشينالار، "وحوتزووپروم ء"وب" رمقك-نىڭ 12 «كۋنگ»-تارى، "قازاۆياقۇتقارۋ" اق تىكۇشاقتارى، سونداي-اق ەكولوگيا مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ اۋماقتىق بولىمشەلەرىنىڭ، قۇقىق قورعاۋ ورگاندارى مەن شەكارا قىزمەتىنىڭ قىزمەتكەرلەرى جۇمىلدىرىلدى.

ايتا كەتۋ كەرەك، 2019 جىلى براكونەرلىككە زاڭنامانى قاتاڭداتۋ ءۇشىن قر قىلمىستىق كودەكسىنە وزگەرىستەر ەنگىزىلدى. وعان سايكەس زاڭسىز اڭ اۋلاعانى ءۇشىن 12 جىلعا دەيىنگى مەرزىمگە باس بوستاندىعىنان ايىرۋعا جانە مۇلكىن تاركىلەۋگە دەيىن قاتاڭ جازالار كوزدەلگەن.

بۇدان باسقا، كيىكتەردىڭ سانىن ساقتاۋ جانە ۇلعايتۋ ماقساتىندا 2020 جىلى ەكولوگيا مينيسترلىگى عىلىمي ماقساتتاردا پايدالانۋدان باسقا، قازاقستاننىڭ بۇكىل اۋماعىندا كيىكتەردى، ولاردىڭ بولىكتەرى مەن دەريۆاتتارىن 2023 جىلعا دەيىن پايدالانۋعا تىيىم سالدى.

سونىمەن قاتار، وتكەن جىلدارداعى تابيعاتتى قورعاۋ ءىس-شارالارىنىڭ ناتيجەلەرى اقبوكەننىڭ مۇيىزدەرىن زاڭسىز وندىرۋگە سۇرانىس ءالى دە جوعارى ەكەنىن كورسەتەدى.

2020 جىلى ەكولوگيا مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ ينسپەكتورلارى كيىككە براكونەرلىكتىڭ 85 فاكتىسىن انىقتادى. ناتيجەسىندە 727 ۇشانى جانە 3 489 كيىك ءمۇيىزى تاركىلەنىپ، جالپى شىعىن 2,4 ملرد.تەڭگەنى قۇرادى.

Abai.kz