ماجىلىستە قازاقستانداعى «سايلاۋ تۋرالى» كونستيتۋتسيالىق زاڭعا تۇزەتۋلەر مەن ىلەسپە زاڭ جوباسى قارالىپ جاتىر. 800 اكىمنىڭ سايلاۋى ءۇشىن 17,6 ميلليارد تەڭگە قارجى جۇمسالادى.

زاڭ جوباسى اۋداندىق ماڭىزى بار قالالاردىڭ، اۋىلداردىڭ، كەنتتەردىڭ، اۋىلدىق وكرۋگتەر اكىمىنىڭ سايلانۋىن كوزدەيدى.  وسىعان بايلانىستى 67 تۇزەتۋ ەنگىزۋ ۇسىنىلدى: داۋىستاردى ساناۋ، سايلاۋدى تاعايىنداۋ ءتارتىبىن بەلگىلەۋ، كانديداتتاردى ۇسىنۋ، تىركەۋ، سايلاۋدى وتكىزۋ، قالالاردىڭ، اۋداندىق ماڭىزى بار قالالاردىڭ، سايلاۋ وتكىزۋ كەزەڭدەرىنىڭ مەرزىمى، اۋىلداردىڭ، كەنتتەردىڭ، اۋىلدىق وكرۋگتەردىڭ اكىمدەرىن تىركەۋ ءتارتىبىن بەلگىلەۋ; كانديداتتارعا قويىلاتىن تالاپتار; ۇسىنۋ تاسىلدەرى; سونداي-اق كانديداتتاردى قولداۋعا قول جيناۋ.

- «اكىمدەردى تىكەلەي سايلاۋدى قارجىلاندىرۋ جەرگىلىكتى بيۋدجەتتەر ارقىلى جۇزەگە اسادى. الايدا بيۋدجەت كودەكسىنىڭ جالپى سيپاتتاعى ترانسفەرتتەردىڭ قولدانىلۋ كەزەڭىندە جەرگىلىكتى بيۋدجەتتىڭ شىعىندارىن مىندەتتى وتەۋ تۋرالى نورمالارىن ەسكەرىپ، تاياۋداعى ەكى جىلدا سايلاۋ وسك ارقىلى قارجىلاندىرىلادى. 

2023 جىلدان باستاپ بۇل شىعىندار جەرگىلىكتى بيۋدجەتتەردىڭ شىعىستار بازاسىنا ەنگىزىلەدى جانە جالپى سيپاتتاعى ترانسفەرتتەردە ەسەپتەۋ كەزىندە ەسكەرىلەدى. بۇل شامامەن 17,6 ميلليارد تەڭگە، ونىڭ 4,8 ميللياردى بيىل 800-دەن اسا اكىمگە سايلاۋ وتكىزۋگە جۇمسالادى»، - دەدى ۇلتتىق ەكونوميكا ۆيتسە-ءمينيسترى الىشەر ابدىقادىروۆ. 

Abai.kz