"ولكەنىڭ ىشىندە دە، سىرتىندى دا ۋلى زاتتاردى قولدانۋ ارقىلى رەسەي ۇكىمەتى حيميالىق قارۋعا تىيىم سالۋ تۋرالى كونۆەنتسيا مىندەتتەرىن بۇزدى. سونىمەن بىرگە رەسەيلىكتەردىڭ جانە شەتەلدىكتەردىڭ ومىرىنە قاستاندىق جاسادى", - دەپ جازىلعان مينيسترلىك مالىمدەمەسىندە.
سانكتسيالار 18 ناۋرىزدا كۇشىنە ەنەدى. شەكتەۋلەر ۇلتتىق قاۋىپسىزدىككە قاتىستى تاۋارلاردى، جابدىقتاردى، تەحنولوگيالاردى جانە باعدارلامالىق قامسىزداندىرۋدى رەسەيگە ەكسپورتتاۋ جانە رەەكسپورت جاساۋعا قاتىستى.
ناۋرىز ايىنىڭ باسىندا اقش ناۆالنىي ىسىنە بايلانىستى رەسەيدەگى، گەرمانياداعى جانە شۆەيتسارياداعى 14 ۇيىمعا قارسى سانكتسيا سالعان. ول تىزىمگە رەسەيدىڭ قورعانىس مينيسترلىگىنە قاراستى 27 عىلىمي ورتالىق، "حيممەد", "فەمتەكو", "ينتەرلاب", "لابينۆەست", "اناليت پروداكتس", "ينتەرتەح ينسترۋمەنتس", "راۋ فارم", "رەگيونسناب" جانە "فارمكونتراكت" كومپانيالارى كىرگەن. ۆاشينگتون بۇل ۇيىمداردىڭ جاپپاي جوق قىلۋعا جانە حيميالىق قارۋلاردى ازىرلەۋگە قاتىسى بولۋى مۇمكىن ەكەنىن مالىمدەگەن.
وعان دەيىن اقش-تىڭ قارجى مينيسترلىگى ناۆالنىي ىسىنە بايلانىستى رەسەيدەگى جوعارى لاۋازىمدى شەنەۋنىكتەرىنە قارسى سانكتسيا ەنگىزگەن.
