حالىقارالىق كەلىسىمدەردىڭ قازاق تىلىندەگى ماتىندەرىندە ولقىلىقتى بولدىرماۋ ءۇشىن ارنايى ساراپتامالىق توپ قۇرىلاتىن بولادى.

بۇگىن قر پارلامەنتى سەناتىنىڭ جالپى وتىرىسىندا پالاتا توراعاسى قايرات ءمامي وسىلاي ءمالىم ەتتى.

«ەكىجاقتى كەلىسىمدەردى راتيفيكاتسيالاۋ تۋرالى زاڭ جوبالارىندا قازاق ءتىلىنىڭ ءارتۇرلى دەڭگەيدە قولدانىلىپ، سول ءۇشىن قايتارىلىپ جاتاتىنى بەلگىلى. ءبىز بيۋرودا بۇل ماسەلەنى تالقىلاپ، كەيىن ءماجىلىس توراعاسى ن. نىعماتۋلينمەن كەلىسىپ، ۇكىمەتكە حات جولدادىق. ول حاتتا حالىقارالىق راتيفيكاتسيالاناتىن كەلىسىمدەردى قول قويىلعانعا دەيىن ارنايى توپتىڭ ساراپتاماسىنان وتكىزۋ كەرەك دەگەن ەدىك»، - دەيدى سەنات سپيكەرى. توراعانىڭ ايتۋىنشا، قول قويىلاتىن كەلىسىمدەر الدىمەن مينيسترلىكتەر مەن ۇكىمەتتىڭ، سونداي-اق ءماجىلىس پەن سەناتتىڭ وكىلدەرىنەن قۇرىلعان ارنايى توپتا تالقىلانۋى ءتيىس. «ولاي بولماسا الگى مينيسترلىكتەر كەلىسىمنىڭ ءماتىنىن وزدەرىنشە اۋدارسا، ۇكىمەت ونى باسقاشا اۋدارادى. سوسىن پارلامەنتتە تالقىلانعاندا ءماجىلىس تە سەنات تا اۋدارماعا قاتىستى باسقاشا وزگەرىستەر ەنگىزىپ قايتارىپ جاتىر. سوندىقتان دا سىرتقى ىستەر مينيسترلىگىنە بۇل ماسەلە قاتاڭ ەسكەرتىلدى. جاقىن ارادى وسىنداي ارنايى توپ قۇرىلاتىن بولادى»، - دەيدى قايرات ءمامي.

قازاقپارات

حالىقارالىق كەلىسىمدەردىڭ قازاق تىلىندەگى ماتىندەرىندە ولقىلىقتى بولدىرماۋ ءۇشىن ارنايى ساراپتامالىق توپ قۇرىلاتىن بولادى.

بۇگىن قر پارلامەنتى سەناتىنىڭ جالپى وتىرىسىندا پالاتا توراعاسى قايرات ءمامي وسىلاي ءمالىم ەتتى.

«ەكىجاقتى كەلىسىمدەردى راتيفيكاتسيالاۋ تۋرالى زاڭ جوبالارىندا قازاق ءتىلىنىڭ ءارتۇرلى دەڭگەيدە قولدانىلىپ، سول ءۇشىن قايتارىلىپ جاتاتىنى بەلگىلى. ءبىز بيۋرودا بۇل ماسەلەنى تالقىلاپ، كەيىن ءماجىلىس توراعاسى ن. نىعماتۋلينمەن كەلىسىپ، ۇكىمەتكە حات جولدادىق. ول حاتتا حالىقارالىق راتيفيكاتسيالاناتىن كەلىسىمدەردى قول قويىلعانعا دەيىن ارنايى توپتىڭ ساراپتاماسىنان وتكىزۋ كەرەك دەگەن ەدىك»، - دەيدى سەنات سپيكەرى. توراعانىڭ ايتۋىنشا، قول قويىلاتىن كەلىسىمدەر الدىمەن مينيسترلىكتەر مەن ۇكىمەتتىڭ، سونداي-اق ءماجىلىس پەن سەناتتىڭ وكىلدەرىنەن قۇرىلعان ارنايى توپتا تالقىلانۋى ءتيىس. «ولاي بولماسا الگى مينيسترلىكتەر كەلىسىمنىڭ ءماتىنىن وزدەرىنشە اۋدارسا، ۇكىمەت ونى باسقاشا اۋدارادى. سوسىن پارلامەنتتە تالقىلانعاندا ءماجىلىس تە سەنات تا اۋدارماعا قاتىستى باسقاشا وزگەرىستەر ەنگىزىپ قايتارىپ جاتىر. سوندىقتان دا سىرتقى ىستەر مينيسترلىگىنە بۇل ماسەلە قاتاڭ ەسكەرتىلدى. جاقىن ارادى وسىنداي ارنايى توپ قۇرىلاتىن بولادى»، - دەيدى قايرات ءمامي.

قازاقپارات