ەلىمىزدىڭ باس پروكۋراتۋراسى وسىنداي مالىمەت تاراتىپ وتىر. باس پروكۋراتۋرا وكىلىنىڭ جۋرناليسترەگە بەرگەن مالىمەتىنە سۇيەنسەك، ۇقك 24 ناۋرىزعا جوسپارلانعان تەراكتىنىڭ الدىن العانعا ۇقسايدى. جارىلىستى الماتى قالاسى اكىمشىلىگىنىڭ الدىندا، ءال-فارابي داڭعىلىنىڭ بويىنداعى جاياۋ جۇرگىنشىلەر وتەتىن جولدا، سونداي-اق «فەميلي» ساياباعى مەن اۋەزوۆ اۋدانىنداعى «سارى-ارقا» كينوتەاترىنىڭ ارتىندا جاساۋدى ۇيىمداستىرماق بولعان بتا بانكتىڭ ەكس-باسشىسى، باتىستا بوي تاسالاپ جۇرگەن مۇحتار ءابىلازوۆتىڭ جەكە وققاعارى - الەكساندر پاۆلوۆ دەگەن كورىنەدى.

«الەكساندر پاۆلوۆ مۇحتار ابىلازوۆكە بتا بانكتىڭ قارجىسىن ۇرلاۋعا كومەكتەسكەن ادام. 2009 جىلى ول ءابلازوۆتىڭ جەكە ارحيۆىندەگى بتا بانكتى كورپورتيۆتى باسقارۋدىڭ بيزنەستىك جولدارى جازىلعان قاتتى ديسكىلەردى جىمقىرىپ شىعىپ، ۇلىبريتانياعا تايىپ تۇرعان، سودان قايتىپ قازاقستانعا كەلگەن ەمەس» دەپ جازىلعان باس پروكۋراتۋرا تاراتقان ءباسپاسوز بايانىندا.

الەكساندر پاۆلوۆ 1975 جىلعى ەكەن. ونىڭ قايدا تۋىلعانى، قايدا وسكەنى ازىرگە بەلگىسىز. بەلگىلىسى - م. ءابىلازوۆتىڭ ەڭ سەنىمدى سەرىكتەرىنىڭ ءبىرى ەكەن. ول جارىلىستى تىركەلمەگەن «العا» پارتياسى جەتەكشىلەرىنىڭ ءبىرى، قازىر شەتەلدە تۇراتىن مۇراتبەك كەتەباەۆپەن كەڭەسە وتىرىپ جاسماق بولىپتى. تەررورلىق ارەكەت جاساۋ ءۇشىن پاۆلوۆقا 25 مىڭ دوللار بەرىلگەن. پاۆلوۆ بەرىلگەن قارجىنىڭ 15 مىڭ دوللارىن «يگەرىپ» تە ۇلگەرىپتى.

ەلىمىزدىڭ باس پروكۋراتۋراسى وسىنداي مالىمەت تاراتىپ وتىر. باس پروكۋراتۋرا وكىلىنىڭ جۋرناليسترەگە بەرگەن مالىمەتىنە سۇيەنسەك، ۇقك 24 ناۋرىزعا جوسپارلانعان تەراكتىنىڭ الدىن العانعا ۇقسايدى. جارىلىستى الماتى قالاسى اكىمشىلىگىنىڭ الدىندا، ءال-فارابي داڭعىلىنىڭ بويىنداعى جاياۋ جۇرگىنشىلەر وتەتىن جولدا، سونداي-اق «فەميلي» ساياباعى مەن اۋەزوۆ اۋدانىنداعى «سارى-ارقا» كينوتەاترىنىڭ ارتىندا جاساۋدى ۇيىمداستىرماق بولعان بتا بانكتىڭ ەكس-باسشىسى، باتىستا بوي تاسالاپ جۇرگەن مۇحتار ءابىلازوۆتىڭ جەكە وققاعارى - الەكساندر پاۆلوۆ دەگەن كورىنەدى.

«الەكساندر پاۆلوۆ مۇحتار ابىلازوۆكە بتا بانكتىڭ قارجىسىن ۇرلاۋعا كومەكتەسكەن ادام. 2009 جىلى ول ءابلازوۆتىڭ جەكە ارحيۆىندەگى بتا بانكتى كورپورتيۆتى باسقارۋدىڭ بيزنەستىك جولدارى جازىلعان قاتتى ديسكىلەردى جىمقىرىپ شىعىپ، ۇلىبريتانياعا تايىپ تۇرعان، سودان قايتىپ قازاقستانعا كەلگەن ەمەس» دەپ جازىلعان باس پروكۋراتۋرا تاراتقان ءباسپاسوز بايانىندا.

الەكساندر پاۆلوۆ 1975 جىلعى ەكەن. ونىڭ قايدا تۋىلعانى، قايدا وسكەنى ازىرگە بەلگىسىز. بەلگىلىسى - م. ءابىلازوۆتىڭ ەڭ سەنىمدى سەرىكتەرىنىڭ ءبىرى ەكەن. ول جارىلىستى تىركەلمەگەن «العا» پارتياسى جەتەكشىلەرىنىڭ ءبىرى، قازىر شەتەلدە تۇراتىن مۇراتبەك كەتەباەۆپەن كەڭەسە وتىرىپ جاسماق بولىپتى. تەررورلىق ارەكەت جاساۋ ءۇشىن پاۆلوۆقا 25 مىڭ دوللار بەرىلگەن. پاۆلوۆ بەرىلگەن قارجىنىڭ 15 مىڭ دوللارىن «يگەرىپ» تە ۇلگەرىپتى.

«قازىر كۇدىكتىلەر قاماۋدا. ولارعا قر قك-ءنىڭ 233 بابىنىڭ (تەررورلىق ارەكەت)» 1 تارماعى بويىنشا ايىپ تاعىلىپ، تەرگەۋ امالدارى جۇرگىزىلىپ جاتىر» دەيدى باس پروكۋراتۋرا وكىلى.

«ساقتىقتا قورلىق جوق» دەگەن قازاق. تاپ الگىندەي ىسكە وققاعارىن يتەرمەلەپ قالتاسىنا قارجى سالىپ بەرسە، ءابىلازوۆتى شىنمەن قۇداي اتقان ەكەن. الايدا سكەپتيكتەر (ىقتيمال وقيعانىڭ بولۋىنا سەنبەيتىندەر) «بۇنى بيلىك جاڭاوزەن سوتىنا ساياسي استار تاڭىۋ ءۇشىن جاريا ەتىپ وتىر» دەسەدى. راسىندا، باس پروكۋراتۋرانىڭ ءباسپاسوز بايانىندا «جارىلىس جاساماق بولعاندار ءدىني اعىمدارمەن بايلانىس ورناتىپ، ەل ىشىندە ۇلتارالىق، دىنارالىق جانجال تۋعىزۋدى كوزدەگەن» دەپ جازىلعان.

ەستەرىڭىزگە سالا كەتەيىك، 22 ناۋرىزدىڭ قاراسىڭىندا الماتى قالاسىنىڭ اكىمى احمەتجان ەسىموۆ كوشەلەرگە الاشۇبار كيىنگەن اسكەريلەردى جاۋىپ، قالانىڭ قاۋىپسىزدىگىن بارىنشا ارتتىرعان بولاتىن. ال، ميتينگ وتكىزۋگە رۇقسات سۇراي بارعان وپپوزيتسيا وكىلدەرىنە قالا اكىمىنىڭ ورىنباسارى سەرىك سەيدۋمانوۆ: «24 ناۋرىزدا «سارى-ارقا» كينوتەاترىنىڭ ارتىنا بارىڭدار، جيىندارىڭدى سوندا وتكىزىڭدەر، باسقا جەردەن ورىن بەرىلمەيدى» دەگەن بولاتىن. قۇزىرلى ورگاننىڭ ءباسپاسوز بايانىنداعى سوزگە سەنسەك، پاۆلوۆ پەن ونىڭ اينالاسىنا ۇيىسقان توپ ءدال سول 24 ناۋرىز كۇنى اتالعان كينوتەاتردىڭ ارتىندا جارىلىس جاساماق بولىپ ارەكەتتەنىپتى.

«اباي-اقپارات»