كۋۆەيت «بورات ءانۇرانى» وقيعاسى ءۇشىن كەشىرىم سۇراپ، كىنالىلەردى جازالايتىنىن مالىمدەدى
كۋۆەيتتىڭ ۇيىمداستىرۋ كوميتەتى «بورات ءانۇرانى» وقيعاسى ءۇشىن كەشىرىم سۇراپ، كىنالىلەردى جازالايتىنىن مالىمدەدى.
جارىستىڭ ديرەكتورى، باس حاتشى وبايد ءال ءوسايميدىڭ رەسمي كەشىرىمىندە بۇل قاتەلىك ادەيى جاسالماعاندىعى ايتىلىپ، وقيعا بويىنشا شۇعىل شارا قولدانعانى ايتىلۋدا.
«وسى قاتەلىكتى جىبەرگەن ادامدارعا جازا قولدانىپ، كلۋبىمىز بەن فەدەراتسيادان شىعارىلاتىنىن حابارلايمىز»، - دەيدى و. ءال وسايمي.
«كەشە وسى قاتەلىگىمىزدى تۇزەتە وتىرىپ، ءبىز تاعى دا بارلىق قاتىسۋشىلارمەن بىرگە سىزدەردىڭ تۋلارىڭىزدىڭ قۇرمەتپەن كوتەرىلۋى كەزىندە ناعىز ءانۇراندارىڭىزدى ويناتتىق. ءبىز بۇل ءانۇراننىڭ قاي كوزدەن الىنعاندىعىن انىقتادىق، پروتوكول كومپانياسى ونى ينتەرنەتتەن العانىن حابارلادى. ارينە، بولعان قاتەلىك ءۇشىن وكىنە وتىرىپ، سىزدەردىڭ فەدەراتسيالارىڭىزعا، سپورتشىلارىڭىز بەن تاماشا ەلدەرىڭىزگە دەگەن قۇرمەتىمىزدى كورسەتەتىن بولامىز»، - دەلىنگەن حاتتا.
اتالمىش حاتقا قاتىستى ءوز ويىن بۇگىن استانادا قر سپورت جانە دەنە شىنىقتىرۋ ىستەرى اگەنتتىگى باسشىسىنىڭ ورىنباسارى ەلسيار قاناعاتوۆ ءبىلدىردى.
كۋۆەيتتىڭ ۇيىمداستىرۋ كوميتەتى «بورات ءانۇرانى» وقيعاسى ءۇشىن كەشىرىم سۇراپ، كىنالىلەردى جازالايتىنىن مالىمدەدى.
جارىستىڭ ديرەكتورى، باس حاتشى وبايد ءال ءوسايميدىڭ رەسمي كەشىرىمىندە بۇل قاتەلىك ادەيى جاسالماعاندىعى ايتىلىپ، وقيعا بويىنشا شۇعىل شارا قولدانعانى ايتىلۋدا.
«وسى قاتەلىكتى جىبەرگەن ادامدارعا جازا قولدانىپ، كلۋبىمىز بەن فەدەراتسيادان شىعارىلاتىنىن حابارلايمىز»، - دەيدى و. ءال وسايمي.
«كەشە وسى قاتەلىگىمىزدى تۇزەتە وتىرىپ، ءبىز تاعى دا بارلىق قاتىسۋشىلارمەن بىرگە سىزدەردىڭ تۋلارىڭىزدىڭ قۇرمەتپەن كوتەرىلۋى كەزىندە ناعىز ءانۇراندارىڭىزدى ويناتتىق. ءبىز بۇل ءانۇراننىڭ قاي كوزدەن الىنعاندىعىن انىقتادىق، پروتوكول كومپانياسى ونى ينتەرنەتتەن العانىن حابارلادى. ارينە، بولعان قاتەلىك ءۇشىن وكىنە وتىرىپ، سىزدەردىڭ فەدەراتسيالارىڭىزعا، سپورتشىلارىڭىز بەن تاماشا ەلدەرىڭىزگە دەگەن قۇرمەتىمىزدى كورسەتەتىن بولامىز»، - دەلىنگەن حاتتا.
اتالمىش حاتقا قاتىستى ءوز ويىن بۇگىن استانادا قر سپورت جانە دەنە شىنىقتىرۋ ىستەرى اگەنتتىگى باسشىسىنىڭ ورىنباسارى ەلسيار قاناعاتوۆ ءبىلدىردى.
«كۋۆەيتتىڭ ۇيىمداستىرۋ كوميتەتى مالىمدەگەنىندەي، ماراپاتتاۋ ءراسىمى مەن باسقا دا پروتوكولدىق ءىس-شارالاردى جۇرگىزۋ ءۇشىن ارنايى كومپانيا تارتىلعان. سول كومپانيانىڭ كەمشىلىگى دەپ بىزگە اقپارات بەرىپ وتىر. وسى ماسەلەگە رەنىش ءبىلدىرىپ جانە ناقتى جاۋاپ بەرۋلەرىن سۇراپ، ءبىز، اگەنتتىك تاراپىنان كۋۆەيتتىڭ سپورت مينيسترلىگىنە ارنايى حات جولدادىق. قر سىرتقى ىستەر مينيسترلىگى تاراپىنان دا وسىنداي نوتا جىبەرىلدى»، - دەدى ە. قاناعاتوۆ.
ونىڭ ايتۋىنشا، ءانۇراننىڭ دۇرىستىعىن تەكسەرمەگەن قازاقستاندىق وكىلدەردەن ءالى ەشكىم جازالانعان جوق. «كۋۆەيت تارابىنىڭ ءبىزدىڭ حاتقا قاتىستى جاۋابى كەلگەننەن سوڭ، بۇل سۇراق تاعى دا قارالادى. بىراق بۇل تولىعىمەن ۇيىمداستىرۋ كوميتەتىنىڭ كىناسى»، - دەپ اتاپ كورسەتتى ە. قاناعاتوۆ.
«ءبىز كۋۆەيت تاراپىنان رەسمي كەشىرىمدى كۇتىپ وتىرمىز، سونىڭ ىشىندە سول ەلدىڭ سپورت مينيسترلىگىنەن»، - دەپ ناقتىلادى ول.
