شىعىستاعى حالىقارالىق تەاتر كۇنى
2012 جىلدىڭ 27 ناۋرىزىندا حالىقارالىق تەاتر كۇنىنە وراي 26-ناۋرىز كۇنى سەمەي قالاسىندا ءدۇبىرلى دۋمان ءوتتى. بىراق بۇل جولعى توي بۇرىنعى تويلاردان وزگەرەك بولدى. سەبەبى وبلىستىق مادەنيەت باسقارماسىنىڭ قىزۋ قولداۋىنا يە بولعان تەاترلار بيىل باسقاشا تۇلەپ، سالا بەردى.
2012 جىلدىڭ 27 ناۋرىزىندا حالىقارالىق تەاتر كۇنىنە وراي 26-ناۋرىز كۇنى سەمەي قالاسىندا ءدۇبىرلى دۋمان ءوتتى. بىراق بۇل جولعى توي بۇرىنعى تويلاردان وزگەرەك بولدى. سەبەبى وبلىستىق مادەنيەت باسقارماسىنىڭ قىزۋ قولداۋىنا يە بولعان تەاترلار بيىل باسقاشا تۇلەپ، سالا بەردى.
«سەمەيدىڭ اباي اتىنداعى قازاق مۋزىكالىق دراما تەاترى» جانە «دوستوەۆسكي اتىنداعى ورىس دراما تەاترى » سونداي -اق، «جامبىل اتىنداعى وبلىستىق دراما تەاتىرلارى» بىرىگىپ، جۇمىلىپ جۇدىرىق بولىپ باستاپ كەتتى بۇل تويدى.
قازاقستاننىڭ حالىق ءارتيستى كۇلاش ساكەيەۆا اپامىز باستاعان ونەر تارلاندارى كورەرمەن قوشەمەتىنە بولەنىپ، قىزىل كىلەم ۇستىمەن ءجۇرىپ ءوتتى.
ال سالتاناتتى جيىننىڭ باسىن سەمەي قالاسى اكىمىنىڭ ورىنباسارى يساباەۆا زاۋرەش رامازانقىزى جانە وبلىستىق مادەنيەت باسقارماسىنىڭ باستىعى ومار جاقسىلىق مۇقاشۇلى ارتيستتەرگە دەگەن اقجارما تىلەگىمەن اشىپ بەردى.
جانە بۇل كۇنى وبلىس تەاترلارىنىڭ اراسىندا وتكەن «التىن ماسكا» اتتى بايقاۋ ءوز مارەسىنە جەتىپ ءار ءتۇرلى ناميناتسيالار بويىنشا ارتيستتار ماراپاتتالدى.اتاپ ايتساق «تەاترداعى كوپ جىلعى ەڭبەگى ءۇشىن» «ەڭ ۇزدىك ەر ادامنىڭ ءرولى » «ەڭ ۇزدىك ايەل ادامنىڭ ءرولى »
«ەپيزوتتىق بەينەنى سومداعانى ءۇشىن » نوميناتسيالار بولدى. ماقتاۋ ماراپاتقا يە بولعان ارتيستەردى قالامىزداعى (داريعا-اي، ەۆراز شوۋ، ) ونەر وشاقتارى كەلىپ قۇتتىقتادى. كەش سوڭى قازاقستاننىڭ حالىق ءارتيستى بەكەن يماحانوۆتىڭ اق باتاسى مەن اياقتالىپ، كوڭىلدى كەش مەرەكەلىك داستارحان باسىندا جالعاستى. الداعى ۋاقىتتا جاقسىلىق مۇقاشۇلى كەلەر مەرەكەنى وسكەمەن قالاسىندا تويلاۋعا شاقىردى.
