اتىراۋدا لاڭكەستىك ارەكەتىنە قاتىسى بار دەگەن ءبىر توپ ايىپتالۋشىلاردىڭ ۇستىنەن سوت باستالدى.

بۇعان دەيىن حابارلاعانىمىزداي، سوت الدىندا 47 ادام جاۋاپ بەرەدى. ولاردىڭ بارلىعى لاڭكەستىك ارەكەت، لاڭكەستىكتى ناسيحاتتاۋ،  لاڭكەستىك توپ قۇرۋ جانە وعان قاتىسۋ، سونىمەن قاتار ەكسترەميزمدى نەمەسە لاڭكەستىكتى  قارجىلاندىرۋ بويىنشا ايىپتالىپ وتىر. ايتا كەتەيىك، ايىپتالۋشىلاردىڭ جاسى 21-32 ارالىعىندا.

جالپى قىلمىستىق ىسكە ەكى فاكتى بىرىكتىرىلگەن. ءبىرىنشى فاكتى بويىنشا اتىراۋ جانە كورشى وبلىستاردىڭ اۋماقتارىندا لاڭكەستىك اكتىلەردى جاساۋعا دايىندالدى دەگەن كۇدىكپەن 42 ادام ايىپتالىپ وتىر. ولار 2011 جىلدىڭ تامىز-قىركۇيەك ايىنىڭ سوڭىندا ۇستالدى. ۇستاۋ بارىسىندا قارسىلىق كورسەتپەك بولعان كۇدىكتىلەردىڭ بىرىنە وق ءتيىپ، كوز جۇمدى.

ەكىنشى فاكتى بويىنشا 5 ادام ايىپتالىپ وتىر. ولارعا 2011 جىلدىڭ 1 قازانىندا وبلىس اكىمدىگى مەن قالالىق پروكۋراتۋرانىڭ ماڭىندا ەكى جارىلعىش زاتتى ىسكە قوسقان جانكەشتىنىڭ لاڭكەستىك ارەكەتىنە قاتىسى بار دەگەن ايىپ تاعىلدى.

اتىراۋدا لاڭكەستىك ارەكەتىنە قاتىسى بار دەگەن ءبىر توپ ايىپتالۋشىلاردىڭ ۇستىنەن سوت باستالدى.

بۇعان دەيىن حابارلاعانىمىزداي، سوت الدىندا 47 ادام جاۋاپ بەرەدى. ولاردىڭ بارلىعى لاڭكەستىك ارەكەت، لاڭكەستىكتى ناسيحاتتاۋ،  لاڭكەستىك توپ قۇرۋ جانە وعان قاتىسۋ، سونىمەن قاتار ەكسترەميزمدى نەمەسە لاڭكەستىكتى  قارجىلاندىرۋ بويىنشا ايىپتالىپ وتىر. ايتا كەتەيىك، ايىپتالۋشىلاردىڭ جاسى 21-32 ارالىعىندا.

جالپى قىلمىستىق ىسكە ەكى فاكتى بىرىكتىرىلگەن. ءبىرىنشى فاكتى بويىنشا اتىراۋ جانە كورشى وبلىستاردىڭ اۋماقتارىندا لاڭكەستىك اكتىلەردى جاساۋعا دايىندالدى دەگەن كۇدىكپەن 42 ادام ايىپتالىپ وتىر. ولار 2011 جىلدىڭ تامىز-قىركۇيەك ايىنىڭ سوڭىندا ۇستالدى. ۇستاۋ بارىسىندا قارسىلىق كورسەتپەك بولعان كۇدىكتىلەردىڭ بىرىنە وق ءتيىپ، كوز جۇمدى.

ەكىنشى فاكتى بويىنشا 5 ادام ايىپتالىپ وتىر. ولارعا 2011 جىلدىڭ 1 قازانىندا وبلىس اكىمدىگى مەن قالالىق پروكۋراتۋرانىڭ ماڭىندا ەكى جارىلعىش زاتتى ىسكە قوسقان جانكەشتىنىڭ لاڭكەستىك ارەكەتىنە قاتىسى بار دەگەن ايىپ تاعىلدى.

لاڭكەستىك اكتىلەردى دايىنداعان بارلىق ايىپتالۋشىلار سوت الدىندا جاۋاپ بەرەدى. بۇعان دەيىن دە اتىراۋ وبلىسى پروكۋرورىنىڭ كومەكشىسى ءلاززات نۇرماعامبەتوۆا حابارلاعانداي، كۇدىكتىلەردىڭ باسىم دەنى شەت مەملەكەتتەردە. پروكۋراتۋرا ولاردىڭ قاي ەلدە ەكەندىكتەرىن ايتپادى. دەگەنمەن، تەرگەۋ بارىسىندا  ولاردىڭ پاكىستان مەن اۋعانستان مەملەكەتتەرىمەن بايلانىسى بار ەكەندىگى ءمالىم بولدى. بۇعان دەيىن كۇدىكتىلەردىڭ ءبىرى ۋكراينادا ۇستالدى، ول كيەۆتىڭ ماڭىندا  جاسىرىنىپ جۇرگەن.

قازاقپارات