م. اۋەزوۆ اتىنداعى قازاق  ۇلتتىق دراما تەاترى رەسپۋبليكالىق «مونودراما» بايقاۋىنا پەسالار قابىلداۋدى جالعاستىرۋدا. بۇل تۋرالى تەاتردىڭ ءباسپاسوز قىزمەتى حابارلايدى.

1. بايقاۋدىڭ ماقساتى مەن مىندەتتەرى:

- قازاقستاندىق اۆتورلاردى قولداۋ;

- تەاتر رەپەرتۋارىن جاڭا تۋىندىلارمەن تولىقتىرۋ;

- جاڭا كوركەمدىك كەڭىستىكتەردىڭ يگەرىلۋىنە جول اشىپ، دراماتۋرگيادا           جاڭا ەسىمدەردىڭ پايدا بولۋىنا جانە ولاردىڭ كاسىبي وسۋىنە مۇمكىندىك   تۋدىرۋ.

2. بايقاۋدى وتكىزۋ مەرزىمى:

-  پەسالار 2020 جىلدىڭ 1 قىركۇيەگىنەن 2021 جىلدىڭ 15 ناۋرىزىنا دەيىن  قابىلدانادى;

- بايقاۋ ناتيجەسى 2021 جىلدىڭ 27 ناۋرىز – حالىقارالىق تەاتر كۇنىنە وراي  جاريالانادى.

3. بايقاۋدىڭ وتكىزىلۋ ءتارتىبى:

بايقاۋ كەلەسى نوميناتسيالار بويىنشا وتكىزىلەدى:

- ۇزدىك تاريحي مونودراما;

- ۇزدىك زاماناۋي مونودراما;

- ۇزدىك ينستسەنيروۆكالىق مونودراما.

*   *   *

- بايقاۋعا رەسپۋبليكا ازاماتتارى جانە شەتەلدەگى قانداستارىمىز قاتىسا الادى;

- بايقاۋعا قازىرگى  تەاتر تالابىنا  ساي جازىلعان، بۇرىن قويىلماعان، جاريالانباعان، وزگە بايقاۋلارعا قاتىسپاعان جاڭا مونودرامالار، مونوينستسەنيروۆكالار  (اۆتور تۋرالى مالىمەتتەرمەن جانە اۆتور سۋرەتىمەن قوسا) جولدانۋى شارت;

- اۆتورلار بىرنەشە نوميناتسياعا قاتىسا الادى، نوميناتسيادا كورسەتىلگەن ءاربىر جانرعا ءبىر شىعارما عانا ۇسىنىلادى;

- بايقاۋعا ۇسىنىلاتىن پەسالار كومپيۋتەرلىك 20 بەتتەن اسپاۋى ءتيىس (شريفت Times NewRoman-14);

- مونودراما، مونوينستسەنيروۆكالار teatr_auezov@bk.ru ەلەكتروندى پوشتاسىنا مونودراما بايقاۋىنا دەگەن تاقىرىپپەن جولدانۋى شارت;

- بايقاۋعا تۇسكەن شىعارمالاردى كاسىبي مامانداردان تۇراتىن  ساراپشىلار كەڭەسى ساراپتايدى.

4. بايقاۋ قورىتىندىلارى بويىنشا:

- ۇزدىك دەپ تانىلعان ءبىر مونوپەسا نە مونوينستسەنيروۆكا تەاتر رەپەرتۋارىنا الىنىپ، ساحنالانادى;

- كوركەمدىك تۇرعىدان ساراپتان وتكەن بىرنەشە تۋىندى كورەرمەندەر نازارىنا تەلەسپەكتاكل تۇرىندە ۇسىنىلادى;

- سونىمەن قاتار ءساتتى دەپ تانىلعان كەي مونوپەسالاردى رەجيسسەرلىك، اكتەرلىك لابوراتوريالاردا وقۋ، سونداي-اق جەكە جۇمىستار تۇرىندە قويۋ ۇيىمداستىرىلادى.

ەسكەرتۋ: تەاتردىڭ پەسانى ساحنالاۋ ء(تۇسىرىم جاساۋ) بارىسىندا رەداكتسيالاۋ، وزگەرىسكە ۇشىراتۋ (اۆتور كەلىسىمىمەن) قۇقىعى بار.

انىقتاما ءۇشىن: 8 (7273) 78-54-00 قابىلداۋ بولمەسى.

Abai.kz