مەملەكەت باسشىسى قاسىم-جومارت توقاەۆ مəدەنيەت جانە سپورت ءمينيسترى اقتوتى رايىمقۇلوۆانى قابىلدادى.

پرەزيدەنتكە مəدەنيەت، سپورت، تۋريزم، ارحيۆ، كينەماتوگرافيا سالالارىندا اتقارىلعان جۇمىستار تۋرالى ەسەپ بەرىلدى. سونىمەن قاتار بيىل وتەتىن تاۋەلسىزدىكتىڭ 30 جىلدىعى، جىر الىبى جامبىل جاباەۆتىڭ 175 جىلدىعى، كۇش اتاسى قاجىمۇقان مۇڭايتپاسۇلىنىڭ 150 جىلدىعىن جانە وزگە دە اتاۋلى مەرەيتويلىق داتالاردى اتاپ وتۋگە بايلانىستى جاسالاتىن جۇمىستاردىڭ جايى باياندالدى.

قاسىم-جومارت توقاەۆقا شəكەن ايمانوۆ اتىنداعى «قازاقفيلم» ستۋدياسى مەن ۇلتتىق كينونى قولداۋ مەملەكەتتىك ورتالىعىنىڭ جۇمىسى، «كينەماتوگرافيا تۋرالى» زاڭعا ەنگىزىلەتىن تولىقتىرۋلار جونىندە ايتىلدى.

مادەنيەت جانە سپورت ءمينيسترى مەملەكەت باسشىسىنا توكيو وليمپياداسىنا دايىندىق جۇمىسى، بالالار مەن جاسوسپىرىمدەرگە ارنالعان شىعارماشىلىق ۇيىرمەلەر مەن سپورت سەكتسيالارىنا جان باسىنا شاققانداعى قارجىلاندىرۋ جۇيەسىن ەنگىزۋ بويىنشا مəلىمەت بەردى.

اقتوتى رايىمقۇلوۆا پاندەميا كەزىندە ىشكى تۋريزمگە سۇرانىستىڭ ارتا تۇسكەنىن جەتكىزدى. سالانى ىنتالاندىرۋدىڭ ءتيىمدى تەتىكتەرىنىڭ ءبىرى – بالالاردىڭ دەمالىس ورىندارىنا ۇشاقپەن بارۋىن سۋبسيديالاۋ ەكەنىن، وسىعان قاتىستى ءتيىستى تۇزەتۋ «تۋريزم قىزمەتى تۋرالى» زاڭ جوباسىنا ەنگىزىلىپ، رەسپۋبليكالىق بيۋدجەتتىك كوميسسيا تاراپىنان قولداۋ تاپقانىن اتاپ ءوتتى.

كەزدەسۋ سوڭىندا قاسىم-جومارت توقاەۆ اقتوتى رايىمقۇلوۆاعا يدەولوگيالىق، تاربيەلىك ماڭىزى زور جۇمىستاردى، «رۋحاني جاڭعىرۋ» باعدارلاماسىن، تسيفرلاندىرۋ بويىنشا قولعا الىنعان باستامالاردى ساپالى جالعاستىرۋ، مينيسترلىكتىڭ ونلاين جوبالارىن جانداندىرۋ جونىندە تاپسىرما بەردى.

Abai.kz