الماتى قالاسىنىڭ باس سانيتارلىق دارىگەرى جانداربەك بەكشين وڭتۇستىك استانا تۇرعىندارى اراسىندا كوروناۆيرۋس ينفەكتسياسىنىڭ تارالۋىن بولدىرماۋ ماقساتىندا جاڭا شەكتەۋلەر ەنگىزدى.

قاۋلىدا مادەني نىسانداردىڭ، ونىڭ ىشىندە، تەاترلار مەن كينوتەاترلاردىڭ قىزمەتىنە تىيىم سالۋ، سونداي-اق ويىن-ساۋىق مەكەمەلەرىنىڭ، ياعني جابىق مەكەمەلەردەگى بالالار ويىن الاڭدارى مەن اتتراكتسيوندارىنىڭ، باتۋتتاردىڭ جانە باسقالاردىڭ قىزمەتىنە تىيىم سالۋ تۋرالى ايتىلعان.

سوعان سايكەس كوروناۆيرۋس تەستىنىڭ ناتيجەسى وڭ بولعاننىڭ ءبارى اۋرۋحاناعا جاتقىزىلادى

سونىمەن قاتار الماتىداعى ساۋدا ورتالىقتارىنىڭ جۇمىسى شەكتەلەدى.

جۇمىس كۇندەرى ساعات 10:00-دەن 20:00-گە دەيىن سوسو، ساۋدا ۇيلەرى مەن ساۋدا جەلىلەرىنىڭ قىزمەتى شەكتەلىپ، سەنبى جانە جەكسەنبى كۇندەرى قىزمەتكە تىيىم سالىنادى.

سەنبى جانە جەكسەنبى كۇندەرى تىيىم سالۋمەن جابىق بازارلاردىڭ جۇمىسىن ساعات 17:00-گە دەيىن، جەكسەنبى كۇندەرى تىيىم سالۋمەن اشىق بازارلاردىڭ جۇمىسىن شەكتەلەدى.

ال قوعامدىق تاماقتانۋ وبەكتىلەرىنىڭ قىزمەتى ساعات 9:00-دەن 20:00-گە دەيىن شەكتەلسە، سوسو مەن ساۋدا ۇيلەرىندە ورنالاسقان قوعامدىق تاماقتانۋ وبەكتىلەرى مەن فۋدكورتتار 7:00-20:00-گە دەيىن جۇمىس ىستەيدى.

ودان بولەك ساۋنالار، سپا-ورتالىقتار، باسسەيندەردىڭ كۇندەلىكتى جۇمىسىن ساعات 8:00-دەن 21:00-گە دەيىن شەكتەي وتىرىپ، سەنبى-جەكسەنبى كۇندەرى قىزمەتىنە تىيىم سالىنادى.

تەحنولوگيالىق پروتسەسس جۇمىسشىلاردىڭ جۇمىس ورنىندا جانە قالانىڭ تىنىس-تىرشىلىگىن قامتاماسىز ەتەتىن مەملەكەتتىك ورگانداردىڭ، ۇيىمدار مەن وبەكتىلەردىڭ بولۋىن بولجايتىن ونەركاسىپتىك، قۇرىلىس جانە وزگە دە ۇيىمداردى قوسپاعاندا، قىزمەتكەرلەرىنىڭ سانى 20 جانە ودان كوپ ادام بولاتىن ۇيىمدار جۇمىسشىلارىنىڭ 80%-ءى قاشىقتان جۇمىس رەجيمىنە كوشىرىلەدى.

ۇجىمدىق ءىس-شارالاردى (ناماز جانە قۇدايعا قۇلشىلىق ەتۋ) وتكىزبەي ءدىني وبەكتىلەردىڭ قىزمەتىنە رۇقسات ەتىلەدى.

15 ادامنان اسپايتىن جەكە جانە ۇيىمداسقان توپتار ءۇشىن ەرەكشە قورعالاتىن تابيعي اۋماقتارعا بارۋعا رۇقسات بەرىلەدى.

Abai.kz