قازاقستاندىق فايتەر قۋات حاميتوۆ ەل ۇكىمەتىن تاعى دا سىنعا الدى. بۇعان دەنساۋلىق ساقتاۋ ءمينيسترى الەكسەي تسويدىڭ كوروناۆيرۋس ينفەكتسياسىنا بايلانىستى ەلدە كارانتيندىك شارالاردى كۇشەيتۋ مۇمكىندىگى تۋرالى ايتقان بولجامى سەبەپ بولدى. 

سپورتشى اتالعان جازباسىن ينستاگرام جەلىسىندەگى جەكە پاراقشاسىندا جاريالادى.

– مەن ءبىزدىڭ بيلىككە تاڭقالامىن. ءسىز مىقتى بولجام جاساۋشى بولساڭىز جانە مۇلدەم جوق اۋرۋ تۋرالى ستاتيستيكانى جانە ولاردىڭ ناتيجەلەرىن الدىن-الا بىلەتىن بولساڭىز، ەندەشە الداعى 5 جىلعا بولجام جاساپ بەرسەڭىز، ءوتىنىش!

مەن حالقىمنىڭ ارابتار سەكىلدى ءومىر سۇرگەنىن قالايمىن! بىراق، 20 جىلدان كەيىن ەمەس، بۇگىن، ءدال قازىر. ءبىزدىڭ جاعدايىمىز ناشار ەمەس، بىزدە مۇنايدىڭ ۇلكەن قورى بار، بىزدە التىن كوپ، گاز، ۋران بار. ال، ءبىز وسىلاردىڭ بار بولعانىنا قاراماي افريكا سياقتى ءومىر سۇرەمىز.

بولجام جاساۋشى مىرزالار سىزدەر بۇعان قالاي جاۋاپ بەرەسىزدەر!؟ ءبىز قاشان حالقىمىزدى ءوز ماماندىعى بويىنشا جۇمىسپەن قامتاماسىز ەتە باستايمىز؟ ءبىزدىڭ بالالار قاشان تەگىن بىلىم الۋدى باستايدى؟ ءبىزدىڭ اعالارىمىزدىڭ جۇبايلارى قاشان ەلىمىزدە بوسانىپ، بالالارىمىز ءوز ەلىمىزدىڭ اۋرۋحانالارىندا ەمدەلۋدى قاشان باستايدى؟ ءبىزدىڭ بولجاۋشى مىرزالار نەگە وسىنداي ءىرى ماسەلەلەر تۋرالى ايتپايسىزدار؟ سىزدەر سەكىلدى بولجام جاساعىشتار كارانتينمەن  ءوز حالقىن جانە ونىڭ بيزنەسىن ءولتىرىپ جاتىر.

ونسىز دا 80% ادام جۇمىسسىز. قازاقستاننىڭ 3 قالاسىنان باسقا جەردە جۇمىس جوق جانە ولار ءالى كۇنگە دەيىن XVI عاسىرداعىداي ەسكى قالالاردا ءومىر ءسۇرىپ جاتىر. سىزدەر قارا باسىن عانا ويلايتىن دەپۋتاتتاردى قىزمەتكە الۋدى دوعارماي كەلەسىزدەر. شىعىستىق، باتىستىق اۋەنمەن تەربەلمەي تاۋەلسىز ەل بولۋدى ويلاعاندارىڭىز ءجون. حالىقتى ويلايتىن ۋاقىت كەلدى! – دەيدى قۋات حاميتوۆ.

Abai.kz