2021 جىلى قازاقستاندا جۇمىسسىزدىقپەن كۇرەسۋ ءۇشىن 76 ميللياردتان استام تەڭگە بولىنەدى. بۇل تۋرالى LS سايتى جازدى. 

ەڭبەك جانە حالىقتى الەۋمەتتىك قورعاۋ مينيسترلىگىنىڭ بيۋدجەتتىك باعدارلاماسى بويىنشا بيىل «ەڭبەك» مەملەكەتتىك باعدارلاماسىن ىسكە اسىرۋعا 76,7 ملرد.تەڭگە قاراستىرىلعان. ناتيجەسىندە 2021 جىلى جۇمىسسىزدىق دەڭگەيىن 4,8% دەيىن تومەندەتۋ جوسپارلانىپ وتىر. بۇل 2020 جىلى 5% بولعان. سونىڭ ىشىندە ايەلدەر اراسىنداعى جۇمىسسىزدىق 5,3%، جاستار 3,7% قۇرايدى.

سونداي-اق، ەڭبەك مينيسترلىگى ءوزىن-ءوزى جۇمىسپەن قامتىعانداردىڭ ۇلەسى بيىل 9% قۇرايدى دەپ بولجايدى. جۇمىسپەن قامتۋ ورتالىقتارىنا جۇگىنگەندەردىڭ 93,3% -ى باعدارلاماعا تارتىلاتىن بولادى.

ال، وڭىرلەردەگى ەڭبەك نارىعىن دامىتۋعا 68,3 ملرد.بولىنبەك. وسىنىڭ ارقاسىندا 21 مىڭ ادام جاستار پراكتيكاسىنا، 12,1 مىڭ ادام - ​​الەۋمەتتىك جۇمىسقا جىبەرىلەدى، 14,2 مىڭ يمميگرانتتار مەن ورالماندار الەۋمەتتىك قولداۋ الادى. سونىمەن قاتار، قازاقستاندىقتار بيزنەستى جۇزەگە اسىرۋ ءۇشىن مەملەكەتتىك گرانتتار، سولتۇستىككە قونىستانۋ ءۇشىن سۋبسيديالار، كوممۋنالدىق شىعىنداردى وتەۋ جانە ت.ب.الادى.

سونىمەن قاتار، سولتۇستىك قازاقستان وبلىسى جۇمىس كۇشى ارتىق ايماقتاردان قونىس اۋدارۋشىلارعا جالعىز ءۇيدى ساتىپ الۋعا كەتكەن شىعىندار ءۇشىن 5 ملرد. قاراستىرماق. ناتيجەسىندە، بيىل وبلىستىڭ جاڭا تۇرعىندارى ءۇشىن 714 عيمارات ساتىپ الىنادى.

Abai.kz