رەسەي مەن قازاقستان وپەك+ جيىنىندا ۇيىم مءۇشەلەرىن مۇناي ءوءندىرۋ كءولەمىن ارتتىرۋعا كءوندىرۋگە تىرىستى. كوروناۆيرۋستىڭ جاڭا شتامى تاراعان شاقتا ۇيىمنىڭ ءوزگە مءۇشەلەرى حالىقارالىق نارىقتا ەنەرگياعا قاجەتتى دءارەجەدە سۇرانىس تۋىنداي قويار ما ەكەن دەپ الاڭدايدى.

وپەك جانە قۇرامىندا رەسەي مەن وزگە مۇناي ءوندىرۋشى ەلدەر بار وپەك+ توبى وسىعان دەيىن قاڭتار ايىندا كۇنىنە 500 مىڭ باررەلگە ارتىق مۇناي وندىرۋگە كەلىسكەن. 4 قاڭتار كۇنگى جيىن كەزىندە رەسەي مەن قازاقستان سول مولشەردى تاعى ارتتىرۋعا ۇندەدى. ال يران، نيگەريا جانە بىرىككەن اراب امىرلىكتەرى ءوندىرىس كولەمىن تۇراقتى ۇستاپ تۇرۋدى قولدادى.

ساۋد ارابيا ەنەرگيا ءمينيسترى حانزادا ءابدۋلازىز بين سالمان كوروناۆيرۋستىڭ جاڭا شتامى تاراپ جاتقان كەزدە وپەك+ توبى ماسەلەگە مۇقيات قاراۋى كەرەك دەدى.

ساۋد ارابياسى ءىس جۇزىندە وپەك جەتەكشىسى سانالادى. ناۋرىز ايىندا ساۋد ارابيا وسى ماسەلە بويىنشا رەسەيمەن كەلىسىمگە كەلە الماي، اقىرى مۇناي باعاسى سوڭعى ون جىلدا بولماعان دەڭگەيدە قۇلدىراعان. ماسكەۋ مەن ەر-رياد اراسىندا بىرنەشە اپتاعا سوزىلعان "تەكەتىرەستەن" كەيىن وپەك+ وندىرۋشىلەرى ءساۋىر ايىنىڭ ورتاسىندا مۇناي كولەمىن 9,7 ملن باررەلگە دەيىن ازايتۋعا كەلىستى. بۇل عالامدىق مۇناي ءوندىرىسىنىڭ وننان بىرىنە پارا-پار.

وپەك+ ەلدەرى سودان بەرى شيكىزات ءوندىرۋ كولەمىن بىرنەشە رەت ارتتىردى، مۇناي بارەلى 50 دوللارعا دەيىن جاقىندادى. قازىر وپەك+ ەلدەرى كۇنىنە 7,2 ملن باررەل مۇناي وندىرەدى. بۇل داعدارىسقا دەيىنگى كەزەڭنەن الدەقايدا از.

4 قاڭتاردا كەلىسىمگە كەلە الماعان وپەك+ مۇشەلەرى كەلىسسوزدى 5 قاڭتاردا جالعاستىراتىن بولىپ شەشكەن.

مۇناي نارىعىن زەرتتەيتىن Rystad Energy كومپانياسىنىڭ باسشىسى بجورنار تونحاۋگەن مۇناي كولەمى ارتسا، مامىر ايىنا دەيىن "قارا التىن" قۇنى تاعى قۇلدىراۋى مۇمكىن دەپ بولجايدى. ونىڭ ويىنشا بۇل جولى وپەك+ مۇشەلەرى اراسىندا كەلىسسوز ۇزاققا جالعاسۋى مۇمكىن.

Abai.kz