پرەزيدەنت توقاەۆ كسرو حالىق ءارتىسى روزا باعلانوۆانىڭ 100 جىلدىعىنا وراي، بىرقاتار شارالار قابىلداۋدى تاپسىردى. بۇل تۋرالى ول Twitter پاراقشاسىندا جازدى.

«2022 جىلدىڭ 1 قاڭتارىندا قازاقتىڭ بۇلبۇل ءانشىسى روزا باعلانوۆانىڭ تۋعانىنا 100 جىل تولادى. ول – قازاقستاننىڭ جانە كسرو-نىڭ حالىق ءارتىسى، قازاقستاننىڭ حالىق قاھارمانى.

مايدان دالاسىندا ءان سالعان ر.باعلانوۆا قازىرگى كۇنگە دەيىن ەلىمىزدەگى جانە شەتەلدەگى ءان سۇيەر قاۋىم اراسىندا كەڭىنەن تانىمال. ونىڭ ەسىمىن ماڭگى ساقتاۋ ءۇشىن شارالار قابىلداۋدى تاپسىردىم»،- دەلىنگەن حابارلامادا.

ايتا كەتەيىك، روزا تاجىبايقىزى 1922 جىلى قىزىلوردا وبلىسىندا تۋعان.

1941 جىلى قىزىلوردا پەداگوگيكالىق ينستيتۋتىن بىتىرگەن.

ونىڭ شىعارماشىلىق جولى ەكىنشى دۇنيەجۇزىلىك سوعىس جىلدارى باستالدى. 1945 جىلى 9 مامىردا بەرليندەگى جەڭىس كونتسەرتىنە قاتىسقان.

Abai.kz