كارانتين تالاپتارىن بۇزعان قازاقستاندىقتارعا 1,1 ميلليارد ايىپپۇل سالىندى. بۇل تۋرالى دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ مالىمدەدى.

ونىڭ ايتۋىنشا، 17 تامىزدان باستاپ 60 375 رەيد جۇرگىزىلدى، 267 866 نىسان قامتىلدى، ونىڭ ىشىندە 20 504 نىسان زاڭ بۇزۋشىلىقتارمەن، 19 406 اكىمشىلىك ايىپپۇل سالىندى.

كارانتين شارالارىن بۇزۋدىڭ باسىم بولىگى تۇركىستان، الماتى، قوستاناي، شىعىس قازاقستان وبلىستارىندا، سونداي-اق الماتى مەن نۇر-سۇلتاندا انىقتالدى. تالداۋ كورسەتكەندەي، قىزمەتىنە تىيىم سالىنعان وبەكتىلەر جۇمىس ىستەدى، شەكتەۋ رەجيمىن ساقتامادى جانە بۇقارالىق ءىس-شارالار وتكىزدى. 1,1 ملرد. تەڭگەدەن استام سوماعا 11 285 ادام اكىمشىلىك ايىپپۇلعا تارتىلدى، 300 ملن.تەڭگەگە جۋىعى قورعانىس ماسكالارىنىڭ بولماعانى ءۇشىن جەكە تۇلعالارعا ايىپپۇل سوماسىن قۇرادى.

«بىرنەشە رەت اكىمشىلىك ايىپپۇلدارعا قاراماستان، كەيبىر نىساندار شەكتەۋ جانە كارانتين رەجيمىنىڭ تالاپتارىن ەلەمەي وتىر. بۇگىنگى تاڭدا "قاساقانا بۇزۋشىلار" قاتارىندا 254 وبەكت بار، ونىڭ ىشىندە نۇر-سۇلتان قالاسىندا شەكتەۋ جانە كارانتين رەجيمىن جۇيەلى تۇردە بۇزاتىن وبەكتىلەر - 56, شىمكەنتتە - 47, قوستاناي وبلىسىندا - 25. مۇنداي وبەكتىلەر بويىنشا سانيتاريالىق-ەپيدەميولوگيالىق قىزمەت ورگاندارى اكىمشىلىك ماتەريالداردى قىزمەتتى توقتاتا تۇرۋ تۋرالى ماسەلەنى شەشۋ ءۇشىن سوتقا بەرەدى. 1 قاراشادان باستاپ 132 وبەكتىگە جوسپاردان تىس تەكسەرۋ جۇرگىزىلدى، ونىڭ ىشىندە 128-دە بۇزۋشىلىقتار انىقتالدى، اكىمشىلىك قۇقىق بۇزۋشىلىق تۋرالى 329 حاتتاما جاسالدى، 31 ماتەريال سوتقا بەرىلدى. سوت شەشىمىمەن 6 نىساننىڭ قىزمەتى توقتاتىلدى، 7-ءى اكىمشىلىك ايىپپۇلعا تارتىلدى»،- دەپ اتاپ ءوتتى م.شورانوۆ.

Abai.kz