ەندى eGovMobile قوسىمشاسى ارقىلى زەينەتكەر جانە قانداس كۋالىكتەرىن كورسەتۋگە بولادى. بۇل تۋرالى قر ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى. 

قر ەڭبەك جانە حالىقتى الەۋمەتتىك قورعاۋ مينيسترلىگى «ەڭبەك رەسۋرستارىن دامىتۋ ورتالىعى» اق جانە قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ «ۇلتتىق اقپاراتتىق تەحنولوگيالار» اق-مەن بىرلەسىپ، «تسيفرلىق قازاقستان» مەملەكەتتىك باعدارلاماسى شەڭبەرىندە تسيفرلىق قۇجاتتار جيىنتىعىن كەڭەيتۋ بويىنشا جۇمىس جۇرگىزدى. ەندى eGovMobile قوسىمشاسىندا زەينەتكەر كۋالىگى مەن قانداس كۋالىگى قولجەتىمدى.

سەرۆيس وزىمەن بىرگە قۇجاتتىڭ تۇپنۇسقاسى جوق ادامدارعا پايدالى بولادى. كۋالىك يەسى (زەينەتكەر نەمەسە قانداس) ونى تالاپ ەتكەن جەرى بويىنشا ۇسىنا نەمەسە تەلەفونداعى مەسسەندجەرلەر ارقىلى ءوزىنىڭ ەلەكتروندىق قۇجاتىن كورسەتە الادى. سونىمەن قاتار، تسيفرلىق قۇجاتتاردا QR-كود ارقىلى اشۋ مۇمكىندىگى بار، بۇل قۇجاتتى سۇراعان تاراپقا ونىڭ تۇپنۇسقالىعىن تەكسەرۋگە كومەكتەسەدى.

«قازىر قازاقستان تۇرعىندارىنىڭ كوپشىلىگى قالتاداعى سمارتفونسىز ءومىردى ەلەستەتە المايدى، سوندىقتان تسيفرلىق قۇجاتتاردى پايدالانۋ ىڭعايلى، ويتكەنى سمارتفوندى ءاردايىم دەرلىك وزىمىزبەن بىرگە الىپ جۇرەمىز. وزىڭىزبەن بىرگە قاعاز قۇجاتتاردى الىپ ءجۇرۋدىڭ قاجەتى جوق. بۇل سەرۆيس ەلەكتروندىق ۇكىمەت ارقىلى تەكسەرىلگەن», – دەپ اتاپ ءوتتى قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەربول وسپانوۆ.

بۇگىنگى كۇنى سەرۆيستە كەلەسى قۇجاتتار دا بار: جەكە كۋالىك، نەكەنى تىركەۋ تۋرالى كۋالىك، ءبىلىمى تۋرالى ديپلوم، بالانىڭ تۋ تۋرالى كۋالىگى، ستۋدەنتتىك بيلەت جانە ت. ب.

«سونداي-اق، جىل سوڭىنا دەيىن ازاماتتىڭ الەۋمەتتىك مارتەبەسىن كورسەتەتىن الەۋمەتتىك ID بىرىڭعاي تسيفرلىق قۇجاتىن ىسكە اسىرۋ جوسپارلانۋدا. جاقىن ارادا كوپبالالى وتباسىلارعا بەرىلەتىن جاردەماقى جانە اتاۋلى الەۋمەتتىك كومەك الۋشىلاردىڭ قۇجاتتارى جانە باسقالارى تسيفرلىق فورماتقا كوشىرىلەدى. ۋاقىت وتە كەلە ءبىز قۇجاتتاردىڭ قاعاز نۇسقالارىنان مۇلدەم قاجەت بولمايدى»، – دەپ تولىقتىردى ەربول وسپانوۆ.

Abai.kz