بىشكەكتە 12 جەلتوقساندا گەندەرلىك تەڭسىزدىككە جءانە سوت ءادىلەتسىزدىگىنە قارسى مارش ءوءتتى.

شارا ادام قۇقىعىن قورعاۋعا باعىتتالعان 16 كۇندىك اكتسيا اياسىندا ايەلدەرگە قاتىستى ادىلەتسىز سوت شەشىمدەرىنە قوعام نازارىن بۇرۋ ماقساتىندا وتكىزىلدى.

وش قالالىق سوتى كۇيەۋىنەن قورعانۋ ءۇشىن قول كوتەرىپ، ءولتىرىپ العان ايەلدى 9 جىلعا ەركىنەن اجىراتىپ، 90 مىڭ سوم ايىپپۇل سالعان. سونىمەن بىرگە سوت كۇيەۋىنىڭ زورلىعىنا شىداماي، ءتورت ايلىق بالاسىمەن 4-قاباتتان سەكىرگەن ايەلدى 11 جىلعا سوتتاعان. قۇقىق قورعاۋشىلار سوت شەشىمى گەندەرلىك تەڭسىزدىك، ايەلدەردى كەمسىتۋ دەپ ەسەپتەيدى.

ايەلدەر اباقتىسىندا جازاسىن وتەپ جاتقان 350 ايەلدىڭ ءجۇزى "كىسى ءولتىرۋ" بابىمەن سوتتالعان. بۇل جالپى سوتتالعانداردىڭ 25 پروتسەنتىن قۇرايدى. ولاردىڭ جارىمىنان كوبى كۇيەۋىن نە زومبىلىق كورسەتكەن باسقا ادامدى ابايسىزدا ءولتىرىپ العان.

2020 جىلدىڭ باسىنان بەرى قىرعىزستاندا بىرنەشە ايەل وتباسى زومبىلىعىنان قازا تاپقان.

Abai.kz