اقش-تىڭ قارجى مينيسترلىگى قىرعىزستاننىڭ كەدەن قىزمەتىنىڭ تءوراعا ورىنباسارى بولعان رايىمبەك ماترايموۆقا سانكتسيا سالدى. بۇل تۋرالى مءالىمەت قۇراما شتاتتاردىڭ قارجى مينيسترلىگىنىڭ رەسمي سايتىندا جاريالاندى.

وندا "ماگنيتسكي اكتىسى” دەگەن اتپەن بەلگىلى "قارا تىزىمدە" رايىمبەك ماترايموۆ پەن رايىم يسمايلوۆ دەگەن اتى-جونگە بەرىلگەن تولقۇجات مالىمەتى كورسەتىلگەن.

49 جاستاعى رايىمبەك ماترايموۆ 1997-2017 جىلدارى قىرعىزستاننىڭ كەدەن قىزمەتىندە ىستەدى. ول 2015-2017 جىلدارى مەكەمەنىڭ توراعا ورىنباسارى قىزمەتىن اتقارعان.

ازاتتىقتىڭ قىرعىز قىزمەتى ارىپتەستەرىمەن بىرگە ماترايموۆتىڭ كەدەندەگى ءىرى كوررۋپتسيالىق ىستەرگە قاتىسى بار ەكەنى دالەلدەنگەن بىرنەشە جۋرناليستىك زەرتتەۋىن جاريالاعان.

20 قازاندا ۇلتتىق قاۋىپسىزدىك كوميتەتى ماترايموۆتى ۇستاعانىن مالىمدەپ، 2016 جىلدىڭ باسىندا كەدەن سالاسىندا كوررۋپتسيالىق جۇيە قۇرىپ، مەملەكەتكە ءىرى كولەمدە زيان كەلتىرگەنىن، بۇل ءىس بويىنشا تەرگەۋ جالعاسىپ جاتقانىن حابارلاعان.

سوت ماترايموۆقا ەكى ميلليارد سوم مەملەكەتكە تولەپ بەرۋدى مىندەتتەپ، تەرگەۋ كەزىندە ەشقايدا كەتپەۋ جونىندە ءتىلحات الىپ، ۇيقاماققا بوساتقان.

8 جەلتوقساندا قىرعىزستاننىڭ قارجى مينيسترلىگى مالىمدەگەندەي، ماترايموۆ مەملەكەتكە 773 ميلليون سوم قايتارعان.

5 جەلتوقساندا اقش-تىڭ بىشكەكتەگى ەلشىسى دونالد لۋ پارلامەنتتىك سايلاۋداعى داۋىس ساتىپ الۋ سەكىلدى كورىنىستەردى سىنعا العان. قازان وقيعاسىنان كەيىن بيلىككە كەلگەندەردىڭ ماترايموۆقا قاتىستى شەشىمدەرى جاقسى بولعانىمەن، جەتكىلىكسىز شارا قولدانىپ جاتقانىن ايتقان.

وسىدان كەيىن قىرعىزستاننىڭ سىرتقى ىستەر مينيسترلىگى لۋدىڭ مالىمدەمەسىنە جاۋاپ بەرىپ، "ىشكى ىستەر مەن تەرگەۋگە ارالاسۋ ەلەمەنتتەرى بار" دەپ سىنعا العان.

"ماگنيتسكي اكتىسىنە" ەنگەندەردىڭ اقش-تاعى بارلىق دۇنيە-مۇلكى، اكتيۆتەرى بۇعاتتالادى. سانكتسياعا ۇشىراعان ادامدارعا قانداي دا ءبىر قىزمەت كورسەتۋگە جانە قارجىلاي جانە تاۋارمەن قامتاماسىز ەتۋگە، قارجى جانە تاۋار الۋىنا تىيىم سالىنادى.

دەرەككوز: Centralasian

Abai.kz