نۇر-سۇلتاندا جىل سايىنعى «جومارت جۇرەك» سىيلىعىنىڭ جەڭىمپازدارىن ماراپاتتاۋ ءراسىمى ءوتتى. 25 مەتسەنات پەن بەلسەندى ازاماتتار 5 نوميناتسيا بويىنشا «جومارت جۇرەك» سىيلىعىنىڭ يەگەرلەرى اتاندى.

كونكۋرس ازاماتتاردى، بيزنەس-قۇرىلىمدار وكىلدەرىن، مەتسەناتتاردى، ۇكىمەتتىك ەمەس ۇيىمدار مەن ۆولونتەرلەردى تۋعان جەرىن دامىتۋعا ىنتالاندىرۋ جانە كوتەرمەلەۋ ماقساتىنداعى قايىرىمدىلىق يدەيالارىن ناسيحاتتاۋعا باعىتتالعان.

سالتاناتتى شاراعا قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى ايدا بالاەۆا، 17 وبلىستىڭ اكىمدەرى، قايىرىمدىلىق، ۆولونتەرلىك ۇيىمداردىڭ جانە كاسىپكەرلىك سالاسىنىڭ وكىلدەرى قاتىستى.

كونكۋرس قورىتىندىسى بويىنشا تۋعان جەرگە ءىرى الەۋمەتتىك جوبالاردى جۇزەگە اسىرعانى ءۇشىن، از قامتىلعان كوپبالالى وتباسىلارعا، جەتىم بالالار مەن اتا-اناسىنىڭ قامقورلىعىنسىز قالعان بالالارعا، مۇگەدەكتەرگە، ۇلى وتان سوعىسىنىڭ ارداگەرلەرىنە، زەينەتكەرلەرگە «جىل مەتسەناتتارى» نوميناتسياسى بويىنشا اقىسىز كومەك كورسەتكەنى ءۇشىن «التىنسارينو» جشس ديرەكتورى بوريس كنيازەۆ (قوستاناي وبلىسى), «OtauGroup» حولدينگىنىڭ پرەزيدەنتى قايرات مولداسەيىتوۆ (شىمكەنت ق), «تەمىرلان» جشس باسشىسى ەرلان الين (اقمولا وبلىسى), «ومىرزاق-سەرۆيس» جشس ديرەكتورى مارات ومىرزاقوۆ (اتىراۋ وبلىسى), «اسسورتي 2» شارۋا قوجالىعىنىڭ باسشىسى يگور شەۆچەنكو (شىعىس قازاقستان وبلىسى)» ماراپاتتالدى.

«جىل تۇلعاسى» نوميناتسياسى بويىنشا بەلسەندى ازاماتتىق ۇستانىمى، ءارتۇرلى باعىتتاعى اۋقىمدى قايىرىمدىلىق قىزمەتى ءۇشىن «BI group» قۇرىلىس حولدينگى قۇرىلتايشىسى اسحات وماروۆ (نۇر-سۇلتان ق.), «BI Group» كومپانياسى ديرەكتورلار كەڭەسىنىڭ توراعاسى ايدىن راحىمباەۆ (نۇر-سۇلتان ق.), «ديال ستروي» جشس باس ديرەكتورى عابيت ماماترايىموۆ (الماتى ق.), «كورپوراتسيا «بەرەكە» ا» جشس باس ديرەكتورى راشكۇل وسپاناليەۆا (شىمكەنت ق.), «يۋتاريا ltd» جشس كومپانيالار توبىنىڭ باس ديرەكتورى ساۋلە شاۋەنوۆا (قاراعاندى وبلىسى) جۇلدەگەر اتاندى.

دەنساۋلىق ساقتاۋ، مادەنيەت، ءبىلىم جانە سپورت سالاسىندا دەمەۋشىلىك كومەك كورسەتۋگە باعىتتالعان الەۋمەتتىك جوبالاردى ىسكە اسىرعانى ءۇشىن جانە ەلدى مەكەندەردى اباتتاندىرۋعا، ساياباقتاردى، گۇلزارلاردى، ەسكەرتكىشتەردى، بالالار ويىن الاڭدارىن قايتا قۇرۋ مەن سالۋعا اتسالىسقان «ماكسيموۆسكوە» جشس ديرەكتورى الەكساندر زاكۋسيلوۆ (اقمولا وبلىسى), «اق وردا كورپوراتسياسى» جشس ديرەكتورى سادۋللا قالىبەكوۆ (شىمكەنت ق.), «سحپ بايدالى-2» جشس ديرەكتورى مارات ۋرازالين (اقمولا وبلىسى), «Blue-Star. PV» جشس قۇرىلتايشىسى قوبلانبەك قوجين (پاۆلودار وبلىسى), كاسىپكەر رۋسلان ۆالەردينوۆ (الماتى وبلىسى), «تۋعان ولكە» نوميناتسياسىمەن ماراپاتتالدى.

الەۋمەتتىك ماڭىزى بار جوبالاردى، قايىرىمدىلىق جوبالاردى، قايىرىمدىلىق كومەكتىڭ جاڭا ءتيىمدى تۇرلەرىن ەنگىزگەنى جانە الەۋمەتتىك ماڭىزى بار ءىس-شارالارعا باس دەمەۋشىلىك كورسەتكەنى ءۇشىن «جىلدىڭ ۇزدىك ۇيىمى» نوميناتسياسىنىڭ جەڭىمپازى «نورد» كومپانياسىنىڭ فيليالى - نۇر-سۇلتان قالاسىنىڭ «جاس وتان» جاستار قاناتىمەن Caspian Operating Company NV»،«NIET.WOMAN»ۇەۇ ايەلدەر باستامالارى قوعامداستىعى، «جاس جاۋىنگەر» ساۋىقتىرۋ كلۋبى، «ولجا اگرو» جشس تانىلدى.

«ەرەن ەرىكتىلىك» نوميناتسياسى بويىنشا ۆولونتەرلەر ءىس-شارالارىنا بەلسەندى قاتىسقانى ءۇشىن شىعىس قازاقستان وبلىسى ۆولونتەرلەر قوزعالىسى ورتالىعىنىڭ ءتورايىمى اسەمگۇل كاليمولدينا، قازاقستان حالقى اسسامبلەياسى جانىنداعى «جاڭعىرۋ جولى» رجق قالالىق شتابى توراعاسىنىڭ ورىنباسارى نارگيزام ماحمۋدوۆا (نۇر-سۇلتان ق.), مۋزىكا مۇعالىمى، ۆولونتەر قۇدايبەرگەن سۇلتانياروۆ (باتىس قازاقستان وبلىسى), «گرين» قوستاناي وبلىسىنىڭ ازاماتتىق اليانس قق ۆولونتەرى جانسەيىت جۇماتۇلى قۇرمانعاليەۆ (قوستاناي وبلىسى), «قازاقستان ۆولونتەرلەر ليگاسىنىڭ» توراعاسى ايدانا سەرىكقىزى ەسىركەپ (تۇركىستان وبلىسى) ماراپاتتالدى.

سىيلىقتىڭ بارلىق جەڭىمپازدارىنا ەستەلىك ستاتۋەتكالار مەن ديپلومدار تابىستالدى.

Abai.kz