قازاقستاندا 31 جەلتوقسان جۇمىس كۇنى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى. 

مينيسترلىك «قازاقستان رەسپۋبليكاسىنداعى مەرەكەلەر تۋرالى» زاڭعا سايكەس، مەرەكە كۇندەرى قازاقستاندىقتار جۇمىس ىستەمەيتىنىن اتاپ ءوتتى.

«31 جەلتوقسان قازاقستاندا مەرەكە كۇنىنە جاتپايدى. ەڭبەك كودەكسىنىڭ 85-بابىنىڭ 3-تارماعىنا سايكەس ۇكىمەت جۇمىس ۋاقىتىن ۇتىمدى پايدالانۋ ماقساتىندا مەرەكە كۇندەرىن باسقا جۇمىس كۇنىنە اۋىستىرۋعا قۇقى بار.

ۇكىمەتتىڭ 2019 جىلعى 1 قاراشاداعى «2020 جىلى دەمالىس كۇندەرىن اۋىستىرۋ تۋرالى» قاۋلىسىنا سايكەس جۇمىس كۇنى بولىپ سانالاتىن 31 جەلتوقسان دەمالىس كۇنىنە اۋىستىرىلعان جوق»،- دەلىنگەن حابارلامادا.

قازاقستاندىقتار بيىل جاڭا جىلدا 1-4 قاڭتار ارالىعىندا دەمالادى.

2021 جىلدىڭ 1-2 قاڭتارى رەسمي دەمالىس كۇندەرى بولىپ سانالادى. سەبەبى، 2 قاڭتار سەنبى بولعاندىقتان دەمالىس ءتورتىنشى كۇنگە، ياعني دۇيسەنبىگە اۋىستىرىلادى.

بەس كۇندىك جۇمىس اپتاسىندا قازاقستاندىقتار 1, 2, 3, 4 قاڭتاردا، ال التى كۇندىك جۇمىس اپتاسىندا - 1, 2, 3 قاڭتار ارالىعىندا دەمالادى.

سونىمەن قاتار، 7 قاڭتار دا مەرەكەلىك دەمالىس بولىپ سانالادى. بۇل كۇنى قازاقستاندىقتار روجدەستۆونى اتاپ وتەدى.

Abai.kz