اقتوبەدە  قايىرىمدى جانداردىڭ ارقاسىندا  اناسىنان ەرتە ايىرىلعان  ۇسەنوۆتەر وتباسى باسپانالى بولدى. وبلىس اكىمى وڭداسىن ورازالين  4 بالانىڭ اسىراۋشىسى جالعىزباستى  امانگەلدى زايدۋللاەۆقا  3 بولمەلى پاتەر كىلتىن تاپسىرىپ، بالالاردىڭ  باسپانالى بولۋىنا ات سالىسقان ازاماتتارعا العىس ءبىلدىردى.

«قازاق حالقىندا  “قايىرىمدىلىق جاساساڭ، قايىرىن ءوزىڭ كورەسىڭ دەگەن قاناتتى ءسوز  بار. قايىرىمدىلىق جاساۋ، جابىرقاعاننىڭ جانىنان تابىلۋ، شاراسىزعا كومەك قولىن سوزۋ – حالقىمىزدىڭ قانىنا بىتكەن اسىل قاسيەتتەرىنىڭ ءبىرى. بۇگىنگى شارا، ءبىزدىڭ بولاشاعىمىز – بالالار ءۇشىن جاسالىنىپ جاتقان يگى ءىس. اتالعان ماسەلە مەملەكەت باسشىسىنىڭ تىكەلەي باقىلاۋىندا. ءبىزدىڭ مىندەتىمىز - بالانىڭ جۇزىنەن كۇلكى، جۇرەگىنەن قۋانىش كەتپەيتىن ءومىر سىيلاۋ. "حارەكەت" قايىرىمدىلىق قورى، «نەكتار» قۇرىلىس كومپانياسى، بارلىق كومەك قولىن سوزعان قايرىمدى ازاماتتاردىڭ ارقاسىندا ءبىر وتباسى  باسپانالى بولدى»،-دەپ اتاپ ءوتتى وڭداسىن ورازالين.

كوپبالالى وتباسى بۇعان دەيىن امانگەلدى زايدۋللاەۆتىڭ اعاسىنىڭ  مەنشىگىندەگى شاعىن ۇيدە تۇرىپ كەلگەن.  قيىن جاعدايدا قالعان  بۇلدىرشىندەردىڭ  ماسەلەسىن شەشۋ ماقساتىندا ءوڭىر باسشىسى جەتەكشى  قۇرىلىس كومپانيالارمەن  كەلىسسوز جۇرگىزدى.

ناتيجەسىندە «نەكتار» قۇرىلىس كومپانياسىنىڭ باسشىسى شاميل كاسپرانوۆ جاڭاشا ۇلگىدە سالىنعان، اۋماعى 93 شارشى مەتر بولاتىن ءۇش بولمەلى پاتەردى جەڭىلدەتىلگەن باعامەن ۇسىندى. "نەكتار“ تۇرعىن ءۇي كەشەنىندە ورنالاسقان جاڭا پاتەردىڭ ىشىنە  قاجەتتى مۇلىك ساتىپ الىپ بەرۋگە وڭىردەگى ءىرى كاسىپورىندار دا ات سالىستى.

«ايس» جشس قۇرىلتايشىسى مارات يتەگۋلوۆ، «كاسىپكەرلەردىڭ قۇقىعىن قورعاۋ قاۋىمداستىعى» زتب توراعاسى تالعات حاميتوۆ، "قازاقستاننىڭ ساۋدا جانە قىزمەت كورسەتۋ سالاسى كاسىپورىندارى نارىقتارىنىڭ قاۋىمداستىعى" زاڭدى تۇلعالار بىرلەستىگىنىڭ اقتوبە فيليالىنىڭ ديرەكتورى دميتري دوۆماتەنكو، ەتنوديزاينەر، «التىن وردا» اۆتورلىق ءۇيىنىڭ نەگىزىن قالاۋشى ىرزا تۇرسىنزادا، «مەكتەپكە دەيىنگى ۇيىمداردىڭ قازاقستاندىق اسسوتسياتسياسى» اقتوبە فيليالى  تورايىمى ن.كايۋدينا جانە اقتوبە قالاسىنداعى بارلىق  جەكەمەنشىك بالاباقشالاردىڭ قۇرىلتايشىلارى، اقتوبە وبلىسى بويىنشا “ايەلدەر قاۋىمداستىعىنىڭ” جەتەكشىسى كۇلشات  ماساليموۆا، قحا جانىنداعى انالار كەڭەسى ءتورايىمى جۇمابيكە شامشادينوۆا، مەكتەپ مۇعالىمدەرى  تۇرمىسقا قاجەتتى بۇيىمدارمەن قامتاماسىز ەتىلۋىنە قارجىلاي كومەك كورسەتتى.

ۇسەنوۆتەر وتباسىنا بۇعان دەيىندە مەملەكەت تاراپىنان ءتۇرلى اكتسيالار اياسىندا  قولداۋلار كورسەتىلىپ كەلدى.

Abai.kz