يوردانيا استاناسى اممان قالاسىنداعى كوشەلەردىڭ بىرىنە ابايدىڭ ەسىمى بەرىلەدى. بۇل تۋرالى قر سىرتقى ىستەر مينيسترلىگى حابارلادى.

قازاقستاننىڭ يوردانياداعى ەلشىسى ايداربەك تۇماتوۆ اممان قالاسىنىڭ مەرى يۋسەف اش-شاۋاريبپەن كەزدەسىپ، ەكى ەل استانالارى اراسىنداعى ىنتىماقتاستىقتى ارتتىرۋ جايىن تالقىلاعان ەكەن. جيىن باراسىندا ابايدىڭ 175 جىلدىعىن اتاپ ءوتۋ ءىس-شارالارى اياسىندا يوردانيا استاناسى اممان قالاسىنداعى ورتالىق كوشەلەردىڭ بىرىنە اباي قۇنانبايۇلىنىڭ ەسىمىن بەرۋ تۋرالى كەلىسىمگە كەلگەنىايتىلعان.

اممانداعى اباي كوشەسىنىڭ سالتاناتتى اشىلۋى قازاقستاننىڭ تاۋەلسىزدىك كۇنى قارساڭىندا وتەدى دەپ جوسپارلارعان.

ەستەرىڭىزگە سالا كەتەيىك، وسىعان دەيىن 2010 جىلدىڭ مامىر ايىندا كورول ءىى ابداللانىڭ جارلىعىمەن يوردانيا استاناسىنىڭ ورتالىق كوشەلەرىنىڭ بىرىنە قر تۇڭعىش پرەزيدەنتى ن.نازارباەۆتىڭ ەسىمى بەرىلگەن. ال 2018 جىلعى جەلتوقساندا امماندا «استانا» كوشەسىنىڭ سالتاناتتى اشىلۋ ءراسىمى ءوتتى.

نۇر-سۇلتاندا يوردانيا استاناسى اممان اتىنداعى كوشە بار، ال 2017 جىلعى 27 شىلدەدە يوردانيانىڭ ۇلتتىق كۇنى اياسىندا «ەكسپو-2017» حالىقارالىق كورمەسىندە حۋسەين بەن تالال اتىنداعى كوشەنى اشۋ ءراسىمى ءوتتى.

Abai.kz