بەلارۋس پرەزيدەنتى الەكساندر لۋكاشەنكو 2021 جىلعا دەيىن ءوز وكىلەتىن باسقا ورگاندارمەن ءبولىسۋدى جوسپارلاپ وتىرعانىن ايتتى. 

«بىزدە ەليتا دەپ اتالاتىنداردىڭ ءبىر بولىگى كونستيتۋتسياداعى وزگەرىستەدى، تەپە-تەڭدىكتى قالاپ وتىر. ياعني، ونى تەڭدەستىرۋ كەرەك. مەن مۇنى ىستەي باستادىم. قازىرگى كونستيتۋتسيامەن دە ەشكىم كەدەرگى كەلتىرە المايدى. مىنە، ءبىز پرەزيدەنتتىڭ 57 نەمەسە 70 وكىلەتتىگىن سانادىق، ولاردى قازىرگى كونستيتۋتسيا بويىنشا باسقا ورگاندارعا بەرۋگە بولادى. ءبىز مۇنى باستادىق. ادامدار كورۋى ءۇشىن. وكىلەتتى بەرۋگە بولادى. بىراق ولار بۇل وكىلەتتى قالاي اتقارا الاتىنى - ماسەلە»، - دەدى لۋكاشەنكو بەلارۋس پەن شەتەلدىك ساياسي شولۋشىلارعا بەرگەن سۇحباتىندا.

«جاڭا جىلعا دەيىن ادامدار كەيبىر وكىلەت بويىنشا ءبىر نارسە كورەدى. پارلامەنت، ۇكىمەت: جارايدى، مىنە، بەس ماسەلە بار، ولار بويىنشا پرەزيدەنتسىز شەشىم قابىلداڭىز. كەلىسىپ قابىلداساڭىزدار، مەن زاڭعا قول قويامىن. ادامدارعا كونستيتۋتسيانى بۇزباي وسى جازىلعان اۆتوريتارلىق جۇيەدەن تىس قالاي جۇمىس ىستەۋگە بولاتىنىن كورسەتەمىن», - دەدى الەكساندر لۋكاشەنكو.

«حابار»  اگەنتتىگىنىڭ توراعاسى ەرلان بەكحوجين الەكساندر لۋكاشەنكودان پرەزيدەنتتىك لاۋازىمنان قانداي جاعدايدا باس تارتۋى مۇمكىن ەكەنىن دە سۇرادى.

«كەنەتتەن دەگەن بولمايدى. ۋاقىتى كەلگەندە بۇل لاۋازىمنان كەتەمىن. بىراق كەنەتتەن كەتۋ قاۋىپتى»، - دەدى لۋكاشەنكو.

سونداي-اق ول ءارى قاراي قانداي قادامدار جاسالاتىنىن الداعى جيىندا حابارلايتىنىن تىلگە تيەك ەتتى.

«ءبىز ادامداردى تاستاپ كەتپەيمىز، ونداي قادامعا بارمايمىز. ەشقايدا قاشاتىن ويىم جوق، قاشپايمىن دا. ادامداردى ساتىپ، تاستاپ كەتە المايمىن», - دەگەندى قوستى ول.

ال ەرلان بەكحوجيننىڭ بەلارۋس، گرۋزيا، اقش، قىرعىزستان سەكىلدى ەلدەردىڭ بارلىعىندا وتكەن پرەزيدەنتتىك سايلاۋدىڭ تولقۋلار مەن ەرەۋىلدەر ۇلاسۋىنىڭ سەبەبى جايلى ساۋالىنا ا.لۋكاشەنكو:

- ءوزىم دە وسى ساۋالعا جاۋاپ ىزدەۋدەمىن. بەلارۋستە بولىپ جاتقان جاعدايعا بايلانىستى عانا ەمەس، مۇنىڭ ءوزى ەرەكشەلىكتەرى بار. ول جايلى وزدەرىڭىز دە بىلەسىزدەر. مەن دە سىزدەر سياقتى اينالامىزدا بولىپ جاتقان اۋقىمدى پروتسەستەرگە الاڭداۋلىمىن. ءبىز بۇعان قارسى جوعارى يممۋنيتەت قالىپتاستىرۋىمىز كەرەك،- دەدى.

Abai.kz