قازاقستاندا تۇرعىن ۇيلەر قىمباتتادى. بۇل تۋرالى 24.kz مالىمدەدى. 

2020 جىلدىڭ قاڭتار ايىمەن سالىستىرعاندا قازاقستاندا پاتەر قۇنى 13% وسكەن.

ەڭ ارزان پاتەرلەر قىزىلوردادا. ونداعى جىلجىمايتىن مۇلىكتىڭ ءبىر شارشى مەترى - 150 مىڭ تەڭگە. ەلوردادا جىلجىمايتىن مۇلىكتىڭ ءبىر شارشى مەترى جىل باسىنان بەرى 5,7% قىمباتتادى. ال الماتىدا 7%، قىزىلوردادا 9,5% ءبىر-اق كوتەرىلگەن.

كوروناۆيرۋس پاندەمياسى مەن كارانتيندىك شەكتەۋلەرگە قاراماستان باسپانا باعاسى بۇكىل ەل اۋماعىندا شارىقتاپ كەتتى. وڭىرلەردىڭ باسىم بولىگىندەگى ءبىر شارشى مەتر قۇنى قىمباتتاعان. ءوسىم 10% اسادى. اسىرەسە، قوستانايدا، اقتوبە، كوكشەتاۋ جانە ورال وڭىرلەرىندە جىل باسىنان بەرى باعا وسكەن. ال قىركۇيەكتە رەسپۋبليكا بويىنشا جىلجىمايتىن مۇلىك قۇنى 3,7% قىمباتتادى.

باسپانا باعاسىنا نە اسەر ەتەدى؟

ساراپشىلار «5-10-20» جانە «7-20-25» مەملەكەتتىك باعدارلامالارىنىڭ تالاپتارىنا سايكەس كەلەتىن جوبالاردىڭ جەتىسپەۋشىلىگى قازىرگى باعالاردى ۋاقىتشا ساقتاۋعا كومەكتەسەدى دەگەن پىكىردە. بىراق بۇعان قاراماستان، جاڭا باسپانالاردىڭ قۇنى الداعى ۋاقىتتا تاعى 10% كوتەرىلۋى مۇمكىن.

مامانداردىڭ ايتۋىنشا، باعانىڭ وسۋىنە قۇرىلىس قارقىنىنىڭ تومەندەۋى اسەر ەتەدى. تاعى ءبىر سەبەپ، داعدارىسقا بايلانىستى قۇرىلىس كومپانيالارىنىڭ سانى ازايىپ، جاڭادان سالىنعان ۇيلەردىڭ كولەمى كەميدى.

نارىقتاعى باعا قوستانايدا باسپانانىڭ ءبىر شارشى مەترى 241 مىڭ تەڭگەدەن جوعارى. پەتروپاۆلدا 277 مىڭ تەڭگەدەن اسادى. وسكەمەندەگى جىلجىمايتىن مۇلىكتىڭ شارشى مەترى ورتا ەسەپپەن 275 مىڭ تەڭگەدەن باستالادى. ال تارازداعى تۇرعىن ءۇي نارىعىندا ءبىر شارشى مەتر قۇنى 205 مىڭ تەڭگە توڭىرەگىندە. ال اقتوبە 171 مىڭ تەڭگەدەن جوعارى. نۇر-سۇلتانداعى پاتەرلەردىڭ ءبىر شارشى مەترى 357 مىڭ تەڭگەدەن ساتىلپادى.

ەڭ قىمبات پاتەرلەر الماتىدا، ءبىر شارشى مەتر قۇنى – 450 مىڭ تەڭگە.

Abai.kz