زەرتحانالىق قىزمەتتەر (پتر تەست) مەن جەكە قورعانىس قۇرالدارىنىڭ باعاسى تومەندەدى. بۇل تۋرالى قر باسەكەلەستىكتى قورعاۋ جانە دامىتۋ اگەنتتىگى مالىمدەدى. 

كوروناۆيرۋستىڭ ەكىنشى تولقىنىنا دايىندىق ماقساتىندا باسەكەلەستىكتى قورعاۋ جانە دامىتۋ اگەنتتىگىنە باعالاردىڭ بارابارلىعىنا تالداۋ جۇرگىزۋ جانە زەرتحانالىق قىزمەتتەر مەن جەكە قورعانىس قۇرالدارىنىڭ باعالىق ساياساتىنا مونيتورينگ جۇرگىزۋ تاپسىرىلدى.

ناتيجەسىندە پتر-تەست باعاسى 36 نارىق سۋبەكتىسىمەن اشىق ساۋدا-وتكىزۋ ساياساتىن كوزدەيتىن مونوپولياعا قارسى كومپلاەنس جاساۋ ارقىلى 18 000-نان 9 000-عا دەيىن تومەندەتىلدى («وليمپ «كدل» جشس جانە «ينۆيۆو» جشس 9 مىڭ تەڭگەدەن اسپايتىن باعالاردى بەلگىلەدى، «سۇڭقار» جشس جانە «ايگەرىم» جشس جەكەلەگەن زەرتحانالارى باعالاردى تيىسىنشە 6 000 جانە 7 000 تەڭگەگە دەيىن تومەندەتتى).

مەديتسينالىق ماسكالاردىڭ باعاسىن وندىرۋشىلەر ورتا ەسەپپەن  21 تەڭگە/داناعا دەيىن تومەندەتتى، ديستريبيۋتورلار مەن بولشەك ساۋدا جەلىلەرىنىڭ ۇستەمە باعاسى وندىرۋشىلەرمەن، ديستريبيۋتورلارمەن جانە بولشەك ساۋدا جەلىلەرىمەن مونوپولياعا قارسى كومپلاەنس ازىرلەۋ ارقىلى 20 تەڭگەدەن 3 تەڭگەگە/دانا دەيىن، ورتا ەسەپپەن 60 تەڭگەدەن  26 تەڭگەگە/دانا دەيىن تومەندەدى.

Abai.kz