مەكەمەارالىق كوميسسيا شەشىمىنە سايكەس، قازاقستاندا تۇراتىن شەتەل ازاماتتارى ءۇشىن جانە قازاقستان ازاماتتارىنىڭ وتباسى مۇشەسى بولىپ سانالاتىن شەتەل ازاماتتارىنا شەكارادان ءوتۋ ءتارتىبى وزگەردى. "اتالعان ازاماتتار 90 كۇندە ءبىر رەت عانا شەكارانى كەسىپ وتە الادى (وسىعان دەيىن 30 تاۋلىكتە ءبىر رەت بولعان)", – دەلىنگەن حابارلامادا.

بۇدان بولەك 2021 جىلدىڭ 1 مامىرىنا دەيىن 57 مەملەكەتكە ۆيزا بەرۋ ۋاقىتشا توقتاتىلادى. 1 قاڭتارعا دەيىن كوميسسيا شەشىمى بويىنشا قىتاي جانە ءۇندىستاننان قازاقستان اۋماعى ارقىلى وتەتىن ترانزيت جولاۋشىلار ءۇشىن 72 ساعاتقا ۆيزاسىز جۇرۋگە رۇقسات بەرۋ الىنىپ تاستالدى. سونىمەن بىرگە كوميسسيا 9 قاراشادان باستاپ تۇركياعا ۇشاتىن رەيستەر سانىن شەكتەۋ جونىندە شەشىم قابىلدادى.

شىعىس قازاقستان جانە پاۆلودار وبلىستارىندا كوروناۆيرۋس ىندەتىن جۇقتىرعاندار سانى كۇننەن كۇنگە ءوسىپ جاتىر. قازان ايىنىڭ سوڭىنان باستاپ كۇنىنە 200 ادامنىڭ ۆيرۋس جۇقتىرعانى تىركەلىپ جاتىر. اقمولا، قوستاناي جانە باتىس قازاقستان وبلىستارىندا دا اۋرۋ جۇقتىرعاندار سانى ارتقان.

رەسمي مالىمەت بويىنشا، قازاقستاندا كوروناۆيرۋس 113 741 ادامنان، پنەۆمونيا 38 281 ادامنان (1 تامىزدان بەرى) انىقتالعان. رەسمي مالىمەت بويىنشا، قايتىس بولعاندار سانى 1 867 ادامعا جەتكەن. تاعى 405 ادام "پنەۆمونيا" سالدارىنان قايتىس بولدى دەپ تىركەلدى.

Abai.kz