بۇگىن پارتيا توراعاسى ازات پەرۋاشەۆ ورتالىق كەڭەستىڭ «اق جول» پارتياسىنىڭ پارلامەنت ءماجىلىسى دەپۋتاتتارىن قانداي قاعيدالارعا سايكەس تاڭداعانىن ءتۇسىندىردى.
«جاقىن ۋاقىتتا الەمدىك ەكونوميكالىق داعدارىستىڭ كەزەكتى تولقىنى كۇتىلىپ وتىرعانى بەلگىلى. ونى، ءتىپتى، قازاقستان الداعى ەكى-ءۇش ايدا سەزىنۋى مۇمكىن. ءدال وسى سەبەپتى وتكەن شاقىرىلىمداعى پارلامەنت دەپۋتاتتاردىڭ ءوز باستاماسىمەن تاراتىلعان بولاتىن. ءبىزدىڭ پارتيانىڭ ورتالىق كەڭەسى پارلامەنتتە وتاندىق ەكونوميكا مەن كاسىپورىنداردى قورعاۋدىڭ ناقتى ءىس-شارالارىن كاسىبي تۇردە جاساي الاتىن ادامداردى تاڭدادى. ولار، شاعىن جانە ورتا بيزنەستى قوسا العاندا،  وندىرىسشىلەر، ەكونوميستەر، بيزنەستەگى كومپانيا باسشىلارى. تۇيىندەي ايتقاندا، «اق جول» پارتياسىنىڭ ورتالىق كەڭەسى دەپۋتاتتاردى ۋاقىت تالابىنا ساي تاڭدادى. الايدا، پارلامەنتتەگى ورىن بىرەۋلەر ءۇشىن «ءومىر باقي» بەكىتىلىپ قويىلعان دەپ ويلاۋعا بولمايدى. ولار «اق جول» پارتياسىنىڭ ەنشىسىندە جانە پارتيا پارلامەنتتەگى وكىلدەرىن  زاڭمەن بەلگىلەنگەن ءتارتىپ بويىنشا انىقتايتىن بولادى. ەكونوميكالىق داعدارىس قاۋپى سەيىلىپ، ءبىرىنشى كەزەككە الەۋمەتتىك، ۇلتتىق وي-سانا، مادەنيەت پەن ءتىل ماسەلەلەرى  شىعىپ جاتسا، ءبىز بۇل سۇراققا قايتا ورالامىز. بۇل مەنىڭ ۇسىنىسىم بولاتىن جانە ورتالىق كەڭەس ەكى ساعاتتىق تالقىلاۋ مەن پىكىرتالاستان سوڭ باسىم داۋىسپەن وسى ۇستانىمدى قولدادى»، - اتاپ ءوتتى ا.پەرۋاشەۆ.  

بۇگىن پارتيا توراعاسى ازات پەرۋاشەۆ ورتالىق كەڭەستىڭ «اق جول» پارتياسىنىڭ پارلامەنت ءماجىلىسى دەپۋتاتتارىن قانداي قاعيدالارعا سايكەس تاڭداعانىن ءتۇسىندىردى.
«جاقىن ۋاقىتتا الەمدىك ەكونوميكالىق داعدارىستىڭ كەزەكتى تولقىنى كۇتىلىپ وتىرعانى بەلگىلى. ونى، ءتىپتى، قازاقستان الداعى ەكى-ءۇش ايدا سەزىنۋى مۇمكىن. ءدال وسى سەبەپتى وتكەن شاقىرىلىمداعى پارلامەنت دەپۋتاتتاردىڭ ءوز باستاماسىمەن تاراتىلعان بولاتىن. ءبىزدىڭ پارتيانىڭ ورتالىق كەڭەسى پارلامەنتتە وتاندىق ەكونوميكا مەن كاسىپورىنداردى قورعاۋدىڭ ناقتى ءىس-شارالارىن كاسىبي تۇردە جاساي الاتىن ادامداردى تاڭدادى. ولار، شاعىن جانە ورتا بيزنەستى قوسا العاندا،  وندىرىسشىلەر، ەكونوميستەر، بيزنەستەگى كومپانيا باسشىلارى. تۇيىندەي ايتقاندا، «اق جول» پارتياسىنىڭ ورتالىق كەڭەسى دەپۋتاتتاردى ۋاقىت تالابىنا ساي تاڭدادى. الايدا، پارلامەنتتەگى ورىن بىرەۋلەر ءۇشىن «ءومىر باقي» بەكىتىلىپ قويىلعان دەپ ويلاۋعا بولمايدى. ولار «اق جول» پارتياسىنىڭ ەنشىسىندە جانە پارتيا پارلامەنتتەگى وكىلدەرىن  زاڭمەن بەلگىلەنگەن ءتارتىپ بويىنشا انىقتايتىن بولادى. ەكونوميكالىق داعدارىس قاۋپى سەيىلىپ، ءبىرىنشى كەزەككە الەۋمەتتىك، ۇلتتىق وي-سانا، مادەنيەت پەن ءتىل ماسەلەلەرى  شىعىپ جاتسا، ءبىز بۇل سۇراققا قايتا ورالامىز. بۇل مەنىڭ ۇسىنىسىم بولاتىن جانە ورتالىق كەڭەس ەكى ساعاتتىق تالقىلاۋ مەن پىكىرتالاستان سوڭ باسىم داۋىسپەن وسى ۇستانىمدى قولدادى»، - اتاپ ءوتتى ا.پەرۋاشەۆ.  
«الاش» پارتياسىنىڭ يدەيالارى - ليبەراليزم، دەموكراتيا، جەكە ادامنىڭ قۇقىقتارى مەن بوستاندىقتارى، ەتنوستار مەن دىندەردىڭ تەڭدىگى - «اق جول» پارتياسىنىڭ باسىم باعىتى بولىپ قالا بەرەدى. مۇنى ءبىز پارتيانىڭ سايلاۋالدى تۇعىرناماسىندا دا، ناقتى ءىس-شارالارمەن دە كورسەتىپ كەلەمىز.
«ءبىزدىڭ پارتيا مەملەكەتتىك ءتىلدىڭ مارتەبەسىن كوتەرۋگە ءاردايىم باسا نازار اۋدارىپ كەلەدى، الداعى ۋاقىتتا دا وسىلاي بولماق. وسى تۇرعىدا  پارتيا بىرقاتار قادامدار جاساپ تا جاتىر. مىسالى، جاقىن ارادا «اق جول» پارتياسىنىڭ بولىمشەلەرى ءار قالادا ۇلكەندەر ءۇشىن قازاق ءتىلىن ۇيرەتەتىن تەگىن جەكسەنبىلىك مەكتەپتەر اشاتىن بولادى. سونىمەن قوسا، «اق جول» ۇلتارالىق، ناسىلدىك جانە ءدىني ارازدىقتى قوزدىرۋعا باعىتتالعان ۇلتشىلدىققا، ەكسترەميزم مەن لاڭكەستىككە ءۇزىلدى-كەسىلدى قارسى. دەپۋتاتتىق ورىنعا ۇسىنىلعان ءبىزدىڭ بارلىق ۇمىتكەرلەرىمىز ۇلتتىق دامۋ يدەياسىنىڭ جاقتاستارى جانە ءوز حالقىنىڭ پاتريوتتارى. ءبىزدىڭ پارتيا ساياساتكەرلەردىڭ جاڭا بۋىنىنا ارقا سۇيەيدى. ولاردىڭ ءبارى جاستار جانە كوپ ۇزاماي ولار ءوز پوتەنتسيالىن دالەلدەيتىن بولادى»، - دەدى «اق جول» پارتياسىنىڭ توراعاسى.
ەستەرىڭىزگە سالا كەتەيىك، كەزەكتەن تىس پارلامەنتتىك سايلاۋدا قازاقستاننىڭ «اق جول» دەموكراتيالىق پارتياسى 7,47 % داۋىسپەن ەكىنشى ورىن الىپ، قر پارلامەنتىنىڭ ء(ماجىلىس) تومەنگى پالاتاسىنان 8 ورىن يەلەنگەن بولاتىن.

2012 جىلعى 18 قاڭتار  استانا. «اق جول» قدپ ءباسپاسوز قىزمەتى