وسىعان دەيىن، 16 قازاندا قر اقپارات جانە قوعامدىق دامۋ مينيسترلىگى «جىل ۆولونتەرى» بايقاۋىن جاريالاعان بولاتىن. 26 قازاننان باستاپ اتالمىش بايقاۋعا وتىنىمدەر قابىلداۋ باستالدى. 

«ەگەر ءسىز ەرىكتى نەمەسە ەرىكتىلەر ۇيىمىندا قىزمەت ەتەتىن بولساڭىز قر اقپارات جانە قوعامدىق دامۋ مينيسترلىگى جاريالاعان وسى بايقاۋعا قاتىسا الاسىز»، - دەلىنگەن مينيسترلىك اقپاراتىندا.

بۇعان دەيىن «جىل ۆولونتەرى» بايقاۋىنىڭ جالپى ەرەجەسى مينيسترلىكتىڭ رەسمي سايتىندا جاريالانعان.

«جىل ۆولونتەرى» بۇل – حالىقارالىق سىيلىق. بۇل - الەۋمەتتىك سالادا قوعامعا پايدالى جۇمىستار اتقارعان ازاماتتارعا بەرىلەتىن اقشالاي ەمەس سىيلىق. اتالمىش سىيلىق تومەندەگىدەي 16 نوميناتسيا بويىنشا بەرىلەدى.

1) ۇزدىك ەرىكتىلەر ۇيىمى;

2) ۇيىمدىق ەرىكتىلەر كوشباسشىسى;

3) Covid-19-بەن كۇرەسكە قاتىسقان ەرىكتىلەر;

4) تۇراقتى دامۋ كوشباسشىلارى;

5) ۇزدىك الەۋمەتتىك كومەكشى;

6) تج جاعدايىندا بەلسەندىلىك تانىتقان ەرىكتىلەر;

7) جوعالعان ادامداردى ىزدەۋدە بەلسەندىلىك تانىتقان ەرىكتىلەر;

8) قۇقىق-بۇزۋشىلىق قۇرباندارىنا كومەكتەسكەن ەرىكتىلەر;

9) دەنسۋلىق ساقتاۋ سالاسىنىڭ ەرىكتىلەرى;

10) سالاۋاتتى ءومىر سالتىن ناسيحاتتاعان ەرىكتىلەر;

11) ءبىلىم سالاسىنىڭ ەرىكتىلەرى;

12) قورشاعان ورتانى قورعاۋ سالاسىنىڭ ەرىكتىلەرى;

13) بەيبىتشىلىكتى، دوستىق پەن ىنتىماقتى ناسيحاتتاعان ەرىكتىلەر;

14) تاريحي-مادەني مۇرالاردى ساقتاۋعا جانە ناسيحاتتاۋعا ۇلەس قوسقان ەرىكتىلەر;

15) جان-جانۋارلاردى قورعاۋعا ۇلەس قوسقان ەرىكتىلەر;

16) الەۋمەتتىك مىندەتتەردى شەشۋگە ۇلەس قوسقان ەرىكتىلەر.

ايتا كەتەيىك، «جىل ۆولونتەرى» حالىقارالىق سىيلىعى قازاقستان پرەزيدەنتى قاسىم-جومارت توقاەۆتىڭ باستاماسىمەن ۇيىمداستىرىلىپ وتىر. اتالمىش بايقاۋعا ءوتىنىم قابىلداۋ 26 قازاندا باستالعان. بايقاۋعا قاتىسۋ ءۇشىن «qazvolunteer.kz» پورتالىندا ۆولونتەرلىك قىزمەت تۋرالى مالىمەتتەردى تولتىرۋ قاجەت. ءوتىنىم قابىلداۋ 2020 جىلدىڭ 15 قاراشاسى كۇنى اياقتالادى. جەڭىمپازداردى ارنايى قۇرىلعان كوميسسيا انىقتايدى. كوميسسيا قۇرامىندا مەملەكەتتىك جانە ۋاكىلەتتى ورگاندار، حالىقارالىق جانە ۇكىمەتتىك ەمەس ۇيىمدار وكىلدەرى، قوعام قايراتكەرلەرى بار.

Abai.kz