22 قازان كۇنى اتىراۋعا نۇر-سۇلتان-اتىراۋ №1385 چارتەرلىك رەيسىمەن «سNCEC» كومپانياسى فيليالىنىڭ 124 قىتاي جۇمىسشىلارى “ۇلتتىق يندۋستريالىق مۇناي-حيميا تەحنوپاركى” ارنايى ەكونوميكالىق ايماعىن «ينتەگراتسيالانعان گاز-حيميا كەشەنىنىڭ 1-فازاسى» جوباسىندا جۇمىس ىستەۋگە كەلدى. بۇل تۋرالى Arasha.kz جازدى. 

اتىراۋ وبلىستىق مەملەكەتتىك ەڭبەك ينسپەكتسياسى باسقارماسىنىڭ كوممەنتاريىنە سايكەس، جۇمىسشىلار سول كۇنى شامامەن ساعات 21-دە “ۇلتتىق يندۋستريالىق مۇناي-حيميا تەحنوپاركى” ارنايى ەكونوميكالىق ايماعىندا ورنالاسقان «سNCEC» ۆاحتا قالاشىعىنا قونىستاندىرىلدى.

– سونىمەن قاتار، «سNCEC» كومپانياسى فيليالىنىڭ مەردىگەر مەكەمەسى – «ليكۆيداتور101» جشس-ءنىڭ ماماندارى ا.ك. راحىمگاليەۆ پەن ك.ا. رامازانوۆ جاعىمسىز كوممەنتاري قالدىرا وتىرىپ قىتاي جۇمىسشىلارىنىڭ كەلىپ جاتقانىن بەينەجازباعا ءتۇسىرىپ، كەيىن ونى Whatsapp مەسسەندجەرى ارقىلى تاراتقان.

وسى فاكت بويىنشا «سNCEC» فيليالىنىڭ قاۋىپسىز قىزمەتى مەن «Kazakhstan Petrochemical Industries Inc.» جشس (جوبا تاپسىرىسشىسى) قىزمەتكەرلەرى ەكى جىگىتپەن تۇسىندىرمە جۇمىستارىن جۇرگىزدى. اڭگىمە بارىسىندا ولار بەينەجازبانى تۇسىرگەندە ەشقانداي پيعىل بولماعانىن ءتۇسىندىردى.
ايتپاقشى، قىتاي جۇمىسشىلارى شەتەلدىك جۇمىس كۇشىن تارتۋعا ارنالعان كۆوتامەن ەمەس، جۇمىس ۆيزاسىمەن كەلگەن.

ايتا كەتەيىك، بۇعان دەيىن الەۋمەتتىك جەلىدە اتىراۋ وبلىسىنا ءبىر توپ قىتاي جۇمىسشىلارىنىڭ كەلگەنى جايلى بەينەجازبا تارالعان بولاتىن.

Abai.kz