جەكسەنبى, 29 قاراشا 2020
COVID-19 قازاقستاندا. جۇقتىرعاندار — 130039. جازىلعاندار — 116044. قايتىس بولعاندار — 1990
587 1 پىكىر 22 قازان, 2020 ساعات 16:41

ءماجىلىس پەن ءماسليحات سايلاۋى ونلاين وتە مە؟

ءماجىلىس پەن ءماسليحات دەپۋتاتتارىن سايلاۋ ونلاين رەجيمدە وتپەيدى. بۇل تۋرالى بۇگىن قر ورتالىق سايلاۋ كوميسسياسىنىڭ توراعاسى بەرىك يماشەۆ ءمالىم ەتتى.

«سايلاۋ پروتسەسى «سايلاۋ تۋرالى« زاڭمەن رەتتەلەدى جانە زاڭنامامىزدا ونلاين-داۋىس بەرۋ ماسەلەسى قاراستىرىلماعان. بۇل سايلاۋدى دا ادەتتەگى جۇيەمەن، قاعاز بيۋللەتەنمەن وتكىزەمىز. ياعني، سايلاۋشىلارىمىز ءۇشىن بۇل تۇرعىدا ەشقانداي جاڭاشىلدىق جوق»، - دەدى بەرىك يماشەۆ ورتالىق سايلاۋ كومسسياسىندا وتكەن ءباسپاسوز ءماسليحاتى بارىسىندا.

ايتا كەتەيىك، كەشە قر ورتالىق سايلاۋ كوميسسياسىنىڭ حاتشىسى ءسابيلا مۇستافينا 2021 جىلدىڭ قاڭتارىندا ءماجىلىس پەن ءماسليحاتتار سايلاۋىن وتكىزۋگە شىعىستاردىڭ بولجامدى سمەتاسى 15,3 ملرد تەڭگەنى قۇرايتىنىن ءمالىم ەتكەن بولاتىن. ال ەگەر ەكى سايلاۋ بىرىكتىرىلمەي، بولەك وتكىزىلسە، شىعىن 25 ملرد تەڭگەنى قۇرايتىن ەدى.

21 قازاندا قر پرەزيدەنتى قاسىم-جومارت توقاەۆ پارلامەنتى ءماجىلىسى دەپۋتاتتارىنىڭ كەزەكتى سايلاۋىن تاعايىنداۋ تۋرالى جارلىققا قول قويدى.

Abai.kz

1 پىكىر