كۇدىكتى سوتقا دەيىنگى تەرگەۋ ءىسى اياقتالعانشا، ەلدەن كەتپەۋ جونىندە قولحات جازىپ بەرگەن:

– تەرگەۋشى، پروكۋرور، سوت شەشىمىنسىز تۇرعىلىقتى جەرىن تاستاپ كەتپەۋى ءتيىس،

– تەرگەۋ ىسىنە كەدەرگى كەلتىرمەۋى ءتيىس،

– شاقىرىلعان كەزدە تەرگەۋگە بارۋى ءتيىس، - دەلىنگەن اۋداندىق سوت شەشىمىندە.

20 قازاندا قىرعىزستان مەملەكەتتىك كەدەن قىزمەتى توراعاسىنىڭ بۇرىنعى ورىنباسارى رايىمبەك ماترايموۆ ۇستالعان بولاتىن.

ونىڭ كەدەن ورگاندارىنداعى جەمقورلىق فاكتىلەرىنە بايلانىستى قوزعالعان ءىس بويىنشا ۇستالعانى ايتىلعان.

17 قازاندا قىرعىزستان مەملەكەتتىك ۇلتتىق قاۋىپسىزدىك كوميتەتى كەدەن ورگاندارىنداعى جەمقورلىق فاكتىلەرىنە بايلانىستى سوت ءوندىرىسى اشىلعانىن حابارلاعان. كوميتەت وكىلدەرىنىڭ ايتۋىنشا، مەملەكەتتىك كەدەن قىزمەتى جۇيەسىندە 2016 جىلدان بەرى رايىمبەك ماترايموۆ پەن كەدەن قىزمەتىنىڭ وزگە دە لاۋازىمدى تۇلعالارى "ۇيىمداستىرعان جەمقورلىق سحەماسىنىڭ" كەسىرىنەن مەملەكەتكە ءىرى كولەمدە شىعىن كەلگەن.

رايىمبەك ماترايموۆ ەسىمى ازاتتىقتىڭ قىرعىز قىزمەتى، "كلووپ" جانە ۇيىمداسقان قىلمىس پەن جەمقورلىقتى زەرتتەۋ ورتالىعى (OCCRP) جۇرگىزگەن جۋرناليستىك زەرتتەۋلەر توپتاماسىندا ايتىلعان.

جۋرناليستىك زەرتتەۋلەر توپتاماسى جارىق كورگەننەن كەيىن رايىمبەك ماترايموۆ، ونىڭ باۋىرى، پارلامەنت دەپۋتاتى يسكاندەر ماترايموۆ، ايەلدەرى سونىمەن بىرگە "يسمايل اتا" قايىرىمدىلىق قورى ازاتتىقتى، جۋرناليست ءالي توكتاكۋنوۆ پەن "كلووپ" سايتىن سوتقا بەرگەن. يسكەندەر ماترايموۆ وسى ىسكە بايلانىستى بەرگەن سۇحباتىندا اقپارات قۇرالدارى ء"وزىنىڭ بەدەلىن ءتۇسىرۋ ءۇشىن ماتەريالداردى جاريالادى" دەپ ايتقان.

Abai.kz