ساياساتكەرلىك تREND
تىڭداپ وتىرسام، ساياسي ومىردە كوپتەگەن ساياساتكەرلەر، قوعام قايراتكەرلەرى ءبىر باستاما كوتەرگەن تۇلعالارعا قاتىستى "اناۋ اعامىز...", "مىناۋ باۋىرىمىز..." دەپ ءسوز باستايدى ەكەن...
... جالپى، ساياساتتا وسىلاي سويلەۋ قانشالىقتى دۇرىس؟
مۇمكىن مۇنى بىرەۋلەر "بۇل قازاق دىلىنە ساي، قازاق قاشاندا وسىلاي سويلەگەن" دەپ اقتايتىن دا شىعار...
بىراق، مەنىڭشە، بۇل ءبىزدىڭ ءالى دە ازاماتتىق تاۋەلسىزدىككە، ياعني، مەملەكەتتىك ماسەلەدە ازاماتتىق-ساياسي جوعارى ويلاۋ دەڭگەيىنە جەتە الماعانىمىزدىڭ، ساياسي مادەنيەتتە رۋلىق-تۋىستىق-اعايىندىقتان اسا الماي جاتقانىمىزدىڭ بەلگىسى بولىپ تابىلادى...
بۇل، سونىمەن قاتار، تاباندىلىقتى تالاپ ەتەتىن كوپ جاعدايدا مەملەكەتشىل-ازاماتتىق پرينتسيپتەن اۋىتقۋعا، ونى (ماسەلەنىڭ ءمانىسىن) "اعامىز، باۋىرىمىز، ءىنىمىز" دەگەندەي رۋلىق-كلاندىق "جەكە قاتىناسقا" بۇرىپ جىبەرۋگە مۇمكىندىك تۋعىزاتىن ساياسي السىزدىك (شالاساۋاتتىلىق) بولىپ تابىلادى.
جالپى، وسىعان قاراپ، ءبىز قوعامداعى ازاماتتىق بەلسەندىلىك تە قالىپتاسقان كلاندىق جۇيەنى وزىنە سىڭىرگەنىن، ونىڭ كوشىرمەسى بولعانىن كورەمىز....
مىسالى، كلاندىق سىبايلاسقان جۇيە نە سەبەپتەن "ماكە-ساكەگە" نەگىزدەلەدى؟
سەبەبى، "ماكە-ساكە" كوررۋپتسيالىق جۇيەنىڭ، وزىندىك جەكە مۇددەنىڭ ءومىر ءسۇرۋىنىڭ باستى شارتى. ونسىز ول ءومىر سۇرە المايدى...
سوندىقتان وناداعى "ماكە-ساكەگە" ەش تاڭ قالۋعا بولمايدى!
ال، بىراق، وسىنداي "كوررۋپتسيالىق ەلەمەنتتى" "ازاماتتىق ءادىل ساياسات" ورىسىنە الىپ كەلۋ - ازامتتىق قوعامنىڭ بەلگىسى مە؟..
جوق.
سوندىقتان، ازاماتتىق ورتادا مەملەكەتتىك ماسەلەلەر تالقىلانىپ جاتقاندا "اعامىز، كوكەمىز، باۋىرىمىز" دەگەندى دوعارۋ قاجەت.
دوعارماساق - ونى كوررۋپتسياعا ءوز قولىمىزبەن جىعىپ بەرگەنىمىز بولىپ شىعادى. ويتكەنى ول ونى ءوز پايداسىنا شەبەر پايدالانا الادى... ناتيجەسىندە، ولاردىڭ ايتاعىمەن بۇگىنگى "اعامىز" ەرتەڭ "اعا" بولماي، باۋىرىمىز - باۋىر بولماي قالىپ - ازاماتتىق قوعامنىڭ ءوزى ىشتەي ىدىرايدى!
ونى جاساۋ سىبايلاسقان جۇيەگە ەش قيىن ەمەس!
ولاي بولسا بۇدان بىلاي "ازامات" (ول نە "قوعام قايراتكەرى", نە، "جۋرناليست", نە "رەجيسسەر", نە "ساياساتكەر", نە "فۋتبوليست", نە ء"انشى" ت.ت.) بالەنشە تۇگەنشەۇلى (قىزى)" دەپ سويلەگەنىمىز دۇرىس.
سوندا ءسوز سالماعى ارتادى، ماسەلە مەملەكەتتىك تۇرعىدا اكتۋالدانادى!
ازاماتتار ارقىلى!
ءابدىراشيت باكىرۇلىنىڭ جازباسى
Abai.kz
