18 قازان كۇنى پاۆلوداردا ءتىل ميتينگىسى وتەدى. بەيبىت جينالىستى وتكىزۋگە قالا اكىمدىگى رۇقسات بەرگەن. بۇل تۋرالى بەلگىلى ءتىل جاناشىرى رۋزا بەيسەنبايتەگى facebook پاراقشاسىندا مالىمدەدى. 

«پاۆلودار قالاسى اكىمىنىڭ اپپاراتى مم-ءسى ميتينگ نىسانىنداعى بەيبىت جينالىستىڭ ۇيىمداستىرۋشىسى رۋزا زايكەنقىزى بەيسەنبايتەگىنە 2020 جىلعى 18 قازاندا ساعات 11:00-دەن 14:00-گە دەيىنگى ارالىعىندا پاۆلودار قالاسى، كونستيتۋتسيا الاڭى 1 (ەستاي اتىنداعى قالالىق مادەنيەت ءۇيىنىڭ الدىنداعى الاڭ) مەكەنجايى بويىنشا، «مەملەكەتتىك قازاق ءتىلىنىڭ مارتەبەسىن كوتەرىپ، ءار سالادا قولدانۋىن تالاپ ەتۋ جانە قازاق ءتىلدى تۇتىنۋشىلاردىڭ ديسكريميناتسياسىن توقتاتۋ» تاقىرىبىندا، بەلگىلەنگەن رەگلامەنتكە سايكەس بولجامدى قاتىسۋشىلار سانى 500 اداممەن بەيبىت جينالىس ميتينگ وتكىزۋگە كەلىسىم بەرەدى»,- دەلىنگەن اكىمدىك حابارلاماسىندا.

ءتىل جاناشىرىنىڭ ايتۋىنشا، ميتينگكە كەلەتىندەر سانيتارلىق تالاپتاردى ساقتاۋى جانە بەلگىلەنگەن تاقىرىپتان اۋىتقىماۋى ءتيىس.

Abai.kz