گەرمان قىرعىزستانداعى جاعدايدى بەيبىت تۇردە شەشۋگە شاقىرىپ، سوورونباي جەەنبەكوۆتى ەلدىڭ زاڭدى پرەزيدەنتى، كونستيتۋتسيالىق بيلىكتىڭ زاڭدى وكىلى دەپ اتاعان.

بۇۇ "پرەزيدەنت بارلىق ساياسي كۇشتەر مەن حالىقتىڭ باسىم بولىگى، ونىڭ ىشىندە ازاماتتىق قوعام مەن جاستاردىڭ قولداۋىمەن قۇقىق اياسىندا مەملەكەتتى تىعىرىقتان شىعاراتىن جول تابار دەپ ۇمىتتەنەدى" دەلىنگەن قىرعىزستان ءسىم حابارلاماسىندا.

ۆەدومستۆونىڭ مالىمدەۋىنشە، بۇۇ باس حاتشىسى گۋتەرريش قىرعىزستانداعى جاعدايدى مۇقيات باقىلاپ وتىر جانە بۇعان دەيىن جاساعان مالىمدەمەلەرىندە ايتقانىنداي، قىرعىزستاندى كونستيتۋتسيالىق پروتسەسس اياسىندا داعدارىستان شىعارۋعا، پارلامەنت سايلاۋىن ۇيىمداستىرۋ جانە ەلدىڭ ەكونوميكالىق تۇراقتىلىعىن تەز ارادا قالپىنا كەلتىرۋگە اتسالىسۋعا دايىن ەكەنىن بىلدىرگەن.

قىرعىزستاندا 4 قازاندا وتكەن پارلامەنت سايلاۋىنان كەيىن ساياسي كۇشتەر بىشكەكتەگى "الا-توو" الاڭىندا نارازىلىق اكتسياسىن باستاعان. پارلامەنت سايلاۋىنىڭ ناتيجەسىن جويۋدى تالاپ ەتكەن نارازىلىق اكتسيالارىنىڭ سوڭى تارتىپسىزدىككە ۇلاسقان. 6 قازانعا قاراعان ءتۇنى دەمونسترانتتار پارلامەنت پەن پرەزيدەنت اپپاراتى ورنالاسقان "اق ءۇيدى" باسىپ الدى.

سول كۇنى نارازىلار تالابىنان كەيىن تۇرمەدەگى بىرنەشە ساياساتكەر قاماۋدان شىقتى. ولاردىڭ اراسىندا بۇرىنعى پرەزيدەنت المازبەك اتامباەۆ، بۇرىنعى دەپۋتات سادىر جاپاروۆ تا بولدى.

10 قازاندا جاپاروۆ پرەمەر-مينيستر قىزمەتىنە بەكىتىلگەن. كەيبىر دەپۋتاتتار ونىڭ قىزمەتكە تاعايىندالۋىنىڭ لەگيتيمدىگىنە كۇمان كەلتىرگەن.

قىرعىزستاندا ساياسي كۇشتەر داعدارىستان شىعۋ جولدارىن ءالى تالقىلاپ جاتىر. 9 قازانعا قاراعان ءتۇنى سوورونباي جەەنبەكوۆ "مەملەكەت قۇقىقتىق اياعا ورالعان سوڭ پرەزيدەنت قىزمەتىنەن كەتۋگە دايارمىن" دەپ مالىمدەگەن.

Abai.kz