اتىراۋ وبلىسى قىزىلقوعا اۋدانىندا دەنەشىنىقتىرۋ-ساۋىقتىرۋ كەشەنى اشىلدى

ەل تاۋەلسىزدىگىنىڭ 20 جىلدىعىنا وراي قىزىلقوعا اۋدانىنىڭ ورتالىعى ميالى سەلوسىندا دەنەشىنىقتىرۋ-ساۋىقتىرۋ كەشەنى سالتاناتتى تۇردە اشىلدى. بۇل «قازمۇنايگاز» بارلاۋ ءوندىرۋ» اق قۇرىلىسىنا قارجى اۋدارعان اتىراۋ وڭىرىندە پايدالانۋعا بەرىلگەن بەسىنشى سپورت كەشەنى.

سالتاناتتى شاراعا اتىراۋ وبلىسى اكىمىنىڭ ورىنباسارى اسقار ابديروۆ قاتىسىپ، اۋدان جۇرتشىلىعىن جاڭا عيماراتتىڭ اشىلۋ سالتاناتىمەن قۇتتىقتادى. سونىمەن قاتار اتىراۋ وبلىسى مەن «قازمۇنايگاز» ءبو» اق اراسىنداعى بىرلەسكەن جۇمىس اعىمىنا كەڭىنەن توقتالىپ ءوتتى.

اتىراۋ وبلىسى قىزىلقوعا اۋدانىندا دەنەشىنىقتىرۋ-ساۋىقتىرۋ كەشەنى اشىلدى

ەل تاۋەلسىزدىگىنىڭ 20 جىلدىعىنا وراي قىزىلقوعا اۋدانىنىڭ ورتالىعى ميالى سەلوسىندا دەنەشىنىقتىرۋ-ساۋىقتىرۋ كەشەنى سالتاناتتى تۇردە اشىلدى. بۇل «قازمۇنايگاز» بارلاۋ ءوندىرۋ» اق قۇرىلىسىنا قارجى اۋدارعان اتىراۋ وڭىرىندە پايدالانۋعا بەرىلگەن بەسىنشى سپورت كەشەنى.

سالتاناتتى شاراعا اتىراۋ وبلىسى اكىمىنىڭ ورىنباسارى اسقار ابديروۆ قاتىسىپ، اۋدان جۇرتشىلىعىن جاڭا عيماراتتىڭ اشىلۋ سالتاناتىمەن قۇتتىقتادى. سونىمەن قاتار اتىراۋ وبلىسى مەن «قازمۇنايگاز» ءبو» اق اراسىنداعى بىرلەسكەن جۇمىس اعىمىنا كەڭىنەن توقتالىپ ءوتتى.

«قازمۇنايگاز» بارلاۋ ءوندىرۋ» اق مۇنايلى ايماقتاردىڭ  الەۋمەتتىك ينفراقۇرىلىمىن دامىتۋعا بەلسەندى اتسالىسىپ كەلەدى. كومپانيا مەن اتىراۋ وبلىسى  اكىمدىگىمەن  ارادا قول قويىلعان ءوزارا تۇسىنىستىك جانە ىنتىماقتاستىق مەموراندۋمى بويىنشا مۇنايلى وڭىرگە قوماقتى قاراجاتتار ءبولىنىپ، بۇگىندە كوپتەگەن يگى ىستەر ناتيجەسىن تاۋىپ وتىر.  جەرگىلىكتى اتقارۋشى ورگان مەن كومپانيا اراسىنداعى  الەۋمەتتىك سەرىكتەستىك تۋرالى قۇجاتتىڭ ماقساتى الەۋمەتتىك نىسانداردىڭ قۇرىلىسىن سالۋ، جوندەۋ جانە قايتا جاڭارتۋ، جاڭا جۇمىس ورىندارىن اشۋ ارقىلى جەرگىلىكتى حالىقتىڭ كۇنكورىس جاعدايىن كوتەرۋ. رەسپۋبليكا بويىنشا 11 الەۋمەتتىك جوباعا دەمەۋشىلىك كورسەتكەن كومپانيا 2011 جىلدا جالپى كولەمى 6,5 ملرد. تەڭگەدەن استام قاراجات بولگەن. ونىڭ ىشىندە ماڭعىستاۋ وبلىسى بويىنشا 1 542 530 000 تەڭگە، اتىراۋ وبلىسىنا 969 400 000 تەڭگە جۇمسالعان.

دوسسور كەن الاڭىنىڭ 100 جىلدىق تورقالى تويىنا وراي ماقات اۋدانى دوسسور كەنتىندە 80 ورىندا «بوتاقان» بالاباقشاسى پايدالانۋعا بەرىلدى. 180 ملن. تەڭگەگە سالىنعان بالاباقشا زامان تالابىنا تولىقتاي ساي كەلەتىن زاماناۋي عيمارات.

دوسسور كەنتىندەگى «مۇنايشى» مادەنيەت سارايى قايتا جاراقتاندىرۋدان ءوتتى. مادەنيەت سارايى كۇردەلى جوندەۋدەن ءوتىپ قانا قويماي، قوسىمشا بولمەلەرمەن تولىقتىرىلدى.

دوسسور دەنەشىنىقتىرۋ-ساۋىقتىرۋ كەشەنىنە كۇردەلى جوندەۋ جۇرگىزىلىپ، سپورت كەشەنى تولىقتاي جاڭعىرتىلدى.

كومپانيا تاراپىنان قۇرىلىسىنا قارجى بولەنگەن ميالى سەلوسىنداعى دەنەشىنىقتىرۋ-ساۋىقتىرۋ كەشەنى اتىراۋ وبلىسىنداعى بەسىنشى سپورت كەشەنى. 2011 جىلدىڭ ءساۋىر ايىندا قۇرىلىسى باستالعان سپورت كەشەنى 2012 جىلدىڭ قاڭتار ايىندا پايدالانۋعا تاپسىرىلىپ وتىر. سپورت كەشەنى قاجەتتى جابدىقتارمەن تولىقتاي قامتىلىپ، كۇرەس، بوكس، تەرناجەر جانە شاعىن اياق دوپ زالدارىمەن جابدىقتالعان. سونىمەن قاتار مۇندا جەرگىلىكتى حالىقتىڭ ۆولەيبول، باسكەتبول سپورت تۇرلەرىمەن دە اينالىسۋعا جاعداي قاراستىرىلعان. قىزىلقوعا اۋدانى اكىمىنىڭ ورىنباسارى بيبوز شاياحمەتوۆ اتالمىش سپورت كەشەنى جەرگىلىكتى حالىققا اقىلاي قىزمەت كورسەتەتىنىن اتاپ ءوتتى. دەمەك، اۋدان اۋماعىنداعى بارلىق مەكەمە، ۇيىمداردىڭ ۇجىمدارى الدىن الا جاساقتالعان، اكىمشىلىك بەكىتكەن كەستە بويىنشا سپورت كەشەنىنە كەلىپ، سپورتتىڭ جوعارىدا اتالعان تۇرلەرىمەن اينالىسۋعا مۇمكىندىكتەرى بار.

بيىل سونىمەن قاتار اتىراۋ وبلىستىق اكىمدىگىمەن بىرلەسكەن الەۋمەتتىك سەرىكتەستىك باعدارلاماسىنا وراي يندەر اۋدانى ەسبول سەلوسىندا،  ماحامبەت اۋدانىنىڭ المالى سەلوسىندا، جىلىوي اۋدانىنىڭ جاڭاقاراتون سەلوسىندا، اقساي جانە اتىراۋ سەلولىق وكرۋگتەرىندە زامان تالابىنا ساي جابدىقتالعان سپورت كەشەنىن سالىپ، تاپسىرۋ جوسپارلانىپ وتىر.

ميالى (اتىراۋ وبل), 6 جەلتوقسان 2012 ج.