ەۋرازيالىق ەكونوميكالىق وداققا دەگەن مىندەتتەمە سالدارىنان قازاقستاندا بەنزين قىمباتتاۋى مۇمكىن. بۇل تۋرالى «حابار 24» مالىمدەدى. 

مۇناي سەرۆيستىك كومپانيالار وداعىنىڭ مالىمەتتەرى بويىنشا، 2025 جىلعا قاراي ەاەو ەلدەرىندە بەنزين باعاسىنداعى الشاقتىقتى ازايتۋ كەرەك. سوندا وداق اۋماعىندا جالپى مۇناي جانە مۇناي ونىمدەرىنىڭ نارىعى قۇرىلادى.

وسى جىلدىڭ سوڭىنا دەيىن قازاقستاندا بەنزين باعاسى قىمباتتاۋى مۇمكىن. Kazenergy قاۋىمداستىعى باعا ليترىنە 170-180 تەڭگەگە دەيىن كوتەرىلەدى دەپ سانايدى. قۇننىڭ ءوسۋى، ماماندار ايتقانداي، ىشكى جانار-جاعارماي ماتەريالدارىنىڭ ىشكى نارىقتان «شايىلىپ كەتۋىنە» جول بەرمەۋ ءۇشىن قاجەت. قازاقستاننىڭ مۇناي سەرۆيستىك كومپانيالارى پرەزيديۋمىنىڭ توراعاسى راشيد جاقسىلىقوۆتىڭ ايتۋىنشا، جانارماي باعاسىن ەاەو ەلدەرىمەن سايكەستەندىرۋ قاجەت. ول وتكەن جىلى عانا ءبىزدىڭ ەلدە بەنزين قۇنى ارزانداعاندىقتان، رەسەيلىك جۇك كولىكتەرىنە قازاقستاندىق جانارماي قۇيۋ بەكەتتەرىندە جانارماي قۇيىلعانىن ەسكە ءتۇسىردى. جانار-جاعارماي بولشەك ساۋدا باعاسىنىڭ ءوسۋى مۇناي ونىمدەرى نارىعىنىڭ سۋبەكتىلەرى، ساۋداگەرلەر مەن جانار-جاعار ماي قۇيۋ بەكەتتەرى ءۇشىن مارجانىڭ ءوسۋىنسىز سالىق سالۋدىڭ ۇلعايۋىنا بايلانىستى بولادى. ول ءۇشىن اكتسيز مولشەرلەمەسىن بىرتىندەپ ارتتىرۋ جوسپارلانىپ وتىر.

ايتپاقشى، بۇگىندە رەسەيدە بەنزيننىڭ ورتاشا باعاسى 232 تەڭگەنى قۇرايدى.

قازىرگى كەزدە قازاقستاندا ەڭ تانىمال اي 92 ماركالى بەنزيننىڭ باعاسى 145 تەڭگەدەن 160-قا دەيىن وزگەرەدى.

ەلىمىزدىڭ ءارتۇرلى ايماقتارىنداعى جانارماي باعالارىنىڭ اعىمداعى بەلگىلەرى. ءليترى 148 تەڭگەدەن - بۇل باعامەن تاراز تۇرعىندارى كولىكتەرىنە جانارماي قۇيۋدا. تۇركىستاندا ءسال قىمباتىراق. ەلوردا 150 تەڭگەگە، پاۆلوداردا ءبىر ليتر بەنزين 154 تەڭگەدەن ساتىلادى.

ودان كەيىن قوستاناي مەن وسكەمەندە جانارماي 156 تەڭگەدەن ساتىلۋدا. سونىمەن قاتار اقتاۋدا. اقتوبەدەگى ەڭ قىمبات باعا - 160 تەڭگە.

Abai.kz