حابارلارعا قاراعاندا، وزبەك شەكاراشىلارى 1967 جىلى تۋعان تىلەك ماترايموۆتى، 1989 جىلى تۋعان زيابيددينبەك كوچكورباەۆتى جانە 1979 جىلى تۋعان ماحسۋد احمەدوۆتى قىرعىزستانعا تاپسىرعان.
ۇقمك مالىمەتى بويىنشا، سوتقا دەيىنگى تەرگەۋ ءجۇرىپ جاتىر. ولار كوميتەتتىڭ تەرگەۋ يزولياتورىندا وتىر.
بۇعان دەيىن حابارلانعانداي، 6 قازاندا وزبەكستان اۋماعىنا زاڭسىز وتكەن ءتورت ادام ۇستالدى. ولاردىڭ ءبىرى - قىرعىزدىڭ وش وبلىسى كارا-سۋ اۋدانىنىڭ اكىمى تىلەك ماترايموۆ. شەنەۋنىكتىڭ قاسىندا بالاسى، جيەنى جانە جەكە قورعاۋشىسى بولعان.
تىلەك ماترايموۆ سەگىز جىل بۇرىن اۋدان اكىمى بولىپ تاعايىندالعان. پارلامەنت سايلاۋى قارساڭىندا ول دەنساۋلىق جاعدايىنا بايلانىستى دەمالىسقا شىعاتىنىن ايتقان. تىلەك ماترايموۆ - مەملەكەتتىك كەدەن قىزمەتى توراعاسىنىڭ بۇرىنعى ورىنباسارى رايىمبەك ماترايموۆتىڭ ءىنىسى.
Abai.kz
